Albistea entzun

Gizartea

Eliza katolikoaren immatrikulazioei buruzko informazioa eskatu dio Eusko Legebiltzarrak Madrili

Eusko Legebiltzarrak elkarlana galdegin dio Jabetza Erregistratzaileen Elkargoari, Espainiako Gobernuak informazioa bidaltzen duenean, ondasun publikoren bat ondasun pribatu gisa erregistratu den berrikusteko.

Donostiako Artzai Onaren katedrala bere izenean jarri du Eliza Katolikoak, orubea barne, hipotekaren legea baliatuta.
Donostiako Artzai Onaren katedrala bere izenean jarri du Eliza Katolikoak, orubea barne, hipotekaren legea baliatuta. Gari Garaialde/Foku

Berria -

2019ko martxoak 20

Eliza Katolikoak publikoa den ondasunen bat bere izenean immatrikulatu duen argitzeko urratsa eman du Eusko Legebiltzarrak. Hala, Elizak Araban, Bizkaian eta Gipuzkoan immatrikulatu dituen ondareen gaineko informazioa eskatu dio ganberak Espainiako Gobernuari, eta informazio hori "ahalik eta azkarren" bidaltzeko galdegin dio. Datu horiek eskutan, immatrikulazioak berrikusteko elkarlana eskatu dio legebiltzarrak Jabetza Erregistratzaileen Elkargoari. EH Bilduren ekimenez onartu du legebiltzarrak eskaria. PPk izan ezik, gainerako taldeek EH Bilduren hasierako ekimenaren erdibideko zuzenketa bat adostu dute. Beraz, proposamenaren alde egin du legebiltzarreko gehiengo zabal batek.

Horrez gain, Euskadiko Erregistratzaileen Dekanotzari dei egin dio elizaren aldeko immatrikulaziorik ageri ez den jabetza erregistroetan azterketa sakonagoa eskatzera. Elizak immatrikulaziorako erabili ahal izan dituen hitz eta molde desberdinei arreta berezia jartzeko galdegin du legebiltzarrak.

Eusko Jaurlaritzari ere zuzendu zaio ganbera. Hari eskaatu dio "beharrezkoak diren lanak koordinatu eta egin ditzala" foru aldundiekin, Eudelekin eta legelari eta historialariekin batera, "era desegokian inmatrikulatutako ondasunak aztertu, identifikatu eta berreskuratzeko".

Azkenik, Jaurlaritzari galdegin dio udalen eta tokiko erakundeen esku utzi dezala "beren ondare publikoaren jatorriari eta eskubideei buruzko informazio juridikoa eta historikoa", eta "aktiboki" babestu ditzala erakunde horiek, "Elizak behar ez bezala immatrikulatutako ondasunak" berreskuratzeko lanetan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRIA
Miarritzeko harrotasunen martxa, atzo. ©BOB EDME

«Mugak hausteko» harrotasunez hartu dituzte Miarritzeko karrikak

Oihana Teyseyre Koskarat

Ehunka lagun bildu dira harrotasunaren martxan. LGTB komunitateko eragileek nabarmendu dute gora egin dutela horien kontrako erasoek

Barakaldon eraso matxisten aurka egindako elkarretaratze bat, aurtengo martxoan. ©MARISOL RAMIREZ / FOKU

Gizon bat espetxeratu dute, neska lagun ohia hiltzen saiatzea egotzita

Jon O. Urain - Maddi Ane Txoperena Iribarren

Labanaz eraso dio andreari, eta emakumea larri dago, Gurutzetako ospitalean. Basauriko kartzelan sartu dute gizona. Mugimendu feministak elkarretaratzera deitu du gaur arratsalderako Barakaldon

Osasun zentro bateko sarrera, artxiboko irudi batean. ©MAIALEN ANDRES / FOKU

Bere burua hiltzen saiatu direnen arreta hobetzeko prozedura, abian

Oihane Puertas Ramirez

Oraintsuko Suizidio Ahaleginaren Kodea Osakidetzako sare osoan dago erabilgarri

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.