Ezbeharra

Dozenaka pertsona hil dira Ghanan autobus istripu batean

Bidaiariz beteta zihoazen bi ibilgailuk aurrez aurre jo dute herrialdearen ekialdeko errepide batean.

Istripua izan duen autobusetako bat, gaur, Kitampon.
Istripua izan duen autobusetako bat, gaur, Kitampon. CHRISTIAN THOMPSON / EFE

Berria -

2019ko martxoak 22

GNA Ghanako berri agentziaren arabera, gutxienez 65 bidaiari hil dira istripuan, baina kopurua behin-behinekoa dela esan du. Istripua goizaldean gertatu da Techiman-Kitampo errepidean, Akkra hiriburutik 430 kilometrotara. Bi autobusek parez pare jo dute elkar, eta ibilgailuetako batek su hartu du. Autobus bakoitzean 50 bidaiari zihoazen.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna