Herri Urrats

En Tol Sarmiento taldeak egin du Herri Urratserako abestia

Iparraldeko ikastolen aldeko jaia maiatzaren 12an izango da, Senperen (Lapurdi).

2019ko martxoaren 27a
13:22
Entzun

Gasteizko En Tol Sarmiento taldeak egin du Herri Urrats 2019 jaialdiko abesti ofiziala. Seaska Iparraldeko ikastolen elkarteak 50 urte bete ditu aurten, eta orain arte egindako ibilbideari eskaini diote kanta. Maddalen Arzallus bertsolariak egin ditu hitzak. Seaskak oztopoak gainditzeko izan duen gaitasuna nabarmendu du Arzallusek hitzetan.

Antolatzaileek LK aukeratu dute aurtengo lelo gisa, euskaraz mintzatzearen aldeko apustuari erreferentzia egiteko. Horrez gain, lizeo eta kolegio hitzei ere aipamen egiten die. Izan ere, aurten bildutako diruarekin Baionako Estitxu Robles kolegioko berritze lanak eta Bernat Etxepare lizeokoak lagunduko dituzte.

Bideoklipa TAOM ekoiztetxeak egin du. Abestiaren moldaketak, ekoizpena, grabaketa eta masterizazioa, berriz, DeepSodak-ek ondu ditu.

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.