Albistea entzun

Euskara

Euskalgintza berri baten "erreferente" izan nahi du Tolosaldeak

Tolosaldeko Euskararen Mahaia sortu dute. Helburu izango du eragile instituzionalen eta sozialen arteko elkarlanaren bidez euskara indarberritzea eta erabilera normalizatzea, "eskualdeko hizkuntza nagusia izan dadin". Eskualdeko eragileek eta Eusko Jaurlaritzak eta Gipuzkoako Foru Aldundiak osatuko dute mahaia.

Egitasmoaren aurkezpenean izan diren eragileak, Alegian.
Egitasmoaren aurkezpenean izan diren eragileak, Alegian. Jon Urbe/Foku

Jokin Sagarzazu -

2019ko martxoak 28

Alegiako udaletxean (Gipuzkoa) eginiko agerraldi batean aurkeztu dute egitasmoa. Horrekin bat egin dute Eusko Jaurlaritzaren Hizkuntza Politikarako Sailburuordetzak, Gipuzkoako Foru Aldundiak, Tolosaldeko hogei udalek, hamar ikastetxe eta euskaltegik, eta tokiko hiru hedabideek, besteak beste. Datozen aste eta hilabeteetan udal eta eragile gehiago batzea espero dute sustatzaileek.

Eragile instituzional eta sozialen «elkargune» izan nahi du mahaiak, eta foro hori bihurtu nahi dute eskualde mailako hizkuntza politika adosteko eta garatzeko «erabakigune». Horrekin, euskararekin loturiko «gobernantza eredu berritzaile bat» jarrai nahi dute martxan, «elkarlana eta lidergo partekatua» oinarri izango dituena.

Egitasmoa babestu duten eragileak konprometitu dira erakunde bakoitzaren autonomia aintzat hartzera, eta «murrizketarik edo kalterik» ez eragitera batzuen zein besteen egitekoetan; halaber, lankidetzarako eremuak adostera engaiatu dira, eta ekinaldi zehatzetan baliabide teknikoak jartzera eta babes ekonomikoa eskaintzera.

Eskualdeko eragileek eta Eusko Jaurlaritzak eta Gipuzkoako Foru Aldundiak osatuko dute mahaia. Euskalgintzakoekin batera, gizon eta emakumeen berdintasunarekin, kultur aniztasunarekin eta bizikidetzarekin loturiko adituek ere parte hartuko dute —orain arteko lanetan ere aritu dira—.

Euskara, «kohesiorako tresna»

Egitasmoaren helburua nagusia da euskara txertatzea eskualdeko bizitza sozialean, ekonomikoan eta kulturalean: «komunikazio eta kohesio hizkuntza» izatea, «eskualdeko hizkuntza nagusia». Aurkezpenean azaldu dutenez, horren bitartez Tolosaldea bihurtu nahi dute euskararen «indarberritze eta normalizazioaren erreferente bat» beste eskualde batzuentzat.

Gogoratu dutenez, eskualde horretarako herritar gehien-gehienak euskaldunak dira: inkesten arabera, biztanleen %75 euskal hiztunak dira, eta beste %10ek ulertzen dute. «Euskal Herriko zona euskaldunen artean jartzen gaitu horrek, eta hori, gure ustez, harrotasunez ez ezik, erantzukizunez hartu behar dugu».

Tolosaldeko Galtzaundi euskara taldeak jarri zuen martxan egitasmoa iaz, eta eskualdeko hainbat eragilek parte hartu dute talde sustatzailean: besteak beste, bost udalek, Gipuzkoako Foru Aldundiak eta Eusko Jaurlaritzak, Uema Udalerri Euskaldunen Mankomunitateak eta eskualdeko euskara teknikariek.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Koronabirusaren biktima bat lurperatzen, Brasilgo Manaos eskualdeko Nossa Senhora Aparecidako hilerrian. ©Raphael Alves / EFE

Izurria hasi zenetik hiru milioi lagun hil eta 139 milioi kutsatu dira mundu osoan

Ion Orzaiz

Egun bakarrean 600.000 kutsatze eta 12.000 heriotza izan direla jakinarazi du Johns Hopkins unibertsitateak. OMEk ohartarazi du transmisio tasa «gorenean» dela

Ertzainen kontrola Donostiako irteera batean. ©GORKA RUBIO / FOKU

Izurriaren aurkako neurriak hartzeko bermeen eskea egin du berriz Urkulluk

Arantxa Iraola

Esan du egungo zalantzei ezin zaiela erantzun «ezerezarekin». Madrilek alarma egoera luzatzeko era ikusten duela azaldu du Txibitek

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna