Noiz sortua: 2019-03-30 14:47:53

HAUTESKUNDEAK

Herriko bozei begira ezarri da EH Bai

"Posible eta egoki" den herri guzietan aurkeztuko dituzte zerrendak, eta prest agertu da beste indar politikoekin elkarlanean aritzeko.

EH Baiko kideak, gaurko agerraldian.
EH Baiko kideak, gaurko agerraldian. / GuiIlaume Fauveau

Ekhi Erremundegi Beloki -

2019ko martxoak 30

2020ko herri hauteskundeetarako urte baten faltan, lasterketa abiatzeko seinalea eman du EH Baik, goiz honetan, Lekornen (Lapurdi). Lan eta prestakuntza goiza antolatu dute militante, kide eta hurbilekoekin, eta agerraldia egin dute ondotik, EH Bairen baloreetatik hurbil sentitzen diren guziei, koalizio abertzalearen dinamikan parte hartzeko gomita eginez. Helburu argi batekin: ahalik eta auzapez eta herriko hautetsi gehien lortzea heldu den urteko bozetan. “Kudeaketa postuetan izatea eta tokiko exekutiboetan sartzea da gure asmoa”, adierazi dute.

Orain dela sei urte, Ipar Euskal Herri herri gehienetan aurkeztu zituen zerrendak EH Baik, eta beste batzuetan, ezkerreko abertzaleek parte hartzen zuten zerrenda zabalagoei eman zien babesa. Emaitza onak lortu zituen, herri bat baino gehiagotan boterea eskuratuta, eta beste andanatan erabakigarria izanez. Aurten ere formula berdina errepikatzeko xedea dutela adierazi dute, eta prest agertu dira beren oinarrizko baloreak partekatzen dituzten indar politikoekin “bidearen parte bat” batera egiteko.

Gaurko agerraldia, EH Baik defendatuko dituen ideiak zerrendatzeko momentua ere izan da. Aitortza instituzionalean, euskararen defentsan, gatazkaren konponbidean, Hego Euskal Herriarekin lan harreman sendoak eraikitzeko lanean, koalizio abertzalea “lehen lerroan” bada ere, bestelako “lehentasunak” ere nabarmendu dituzte: laborantza herrikoia, ekoizpen ekonomia, etxebizitza duina denentzat, bigarren etxebizitzen zergapetzea... Eta bereziki azpimarratu dute erronka klimatikoari aurre egiteko beharra. “Ondoko 12 hilabeteetan, hautagai abertzaleek gure proiektua lau haizetara zabalduko dute”.

Herrietatik Euskal Elkargora

2014ko herri hauteskundeak Ipar Euskal Herriaren aitortza instituzionalaren aldarrikapenak markatu zituen, eta estatus bereziko lurralde elkargoaren aldeko adostasun zabala lortu zen. Baina, Parisen ezezkoaren aitzinean, hamar herri elkargoak bateratzearen alde edo kontra jarri, “funtsezko hautua” egin behar izan zutela adierazi dute EH Baiko kideek. Euskal Elkargoa sortu eta bi urtera, “segur” dira hautu hori “egokia” izan zela. “EH Baitik txalotu nahi dugu hautetsi hauek agintaldi erdian egin zuten hautua”. Hala ere, onartu dute hasierako fasea nahasia izaten ari dela, eta denek ez dutela “baitezpada argi” haien funtzioa zer den, eta erabakitzeko gaitasun murritzen ikusi dutela.

Baina instituzio berria eraikitzeko eta aboatzeko beharrezkoak izan diren lehen bi urteen ondotik, 2019a politika publiko sendoak martxan emateko eskema handiak onartzeko urtea izanen dela nabarmendu dute, eta lurralde proiektua eta politikak zehaztuko direla oroitarazi dute. Horiek horrela, 2020ko udaberrian hasiko den agintaldi berria “erabakigarria” izanen dela uste dute. “Euskal Elkargoa lehen urratsa besteri kez da, ongi kausitu beharreko urratsa urrunago joan ahal izateko, Ipar Euskal Herriaren errealitateari egokituena den estatus bereziko lurraldeko elkargoa eraikitzeko”.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Kalean, herritarrak maskara jantzita, atzo, Ordizian. ©JUAN HERRERO / EFE

Hauteskunde batzordea gaur bilduko da Ordiziako egoera aztertzeko

Arantxa Iraola - Jon Ordoñez Garmendia - Irati Urdalleta Lete

Maskara erabiltzea nahitaezkoa izango da Gipuzkoako herri horretan, eta tabernetako jarduna mugatu egingo dute. Hauteskunde Batzordea gaur elkartuko da egoera aztertzeko

Ordiziakoa Etxezarreta kalea, atzo. ©JUAN HERRERO / EFE

Ikara, bozkalekuetan

Jon Ordoñez Garmendia

Ordizian bozkalekuetan egon behar dutenak beldurrez bizi dira igandetik. Zalantza asko dituzte, eta arriskuan sentitzen dute euren burua. Gaur dute bilera udalarekin.

 ©ARITZ LOIOLA / FOKU

«Distantzia da oraingoz dugun tresna eraginkor bakarra»

Arantxa Iraola

Birusen egitura aztertzen du Abresciak Ikerbasquen, CIC Bioguneren barruan. Argi du COVID-19a oso azkar hedatzen dela gogorarazten jarraitu behar dela: ez da egun batetik bestera ahulduko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna