Lierni Altunaren eskutik txapela jantzi berritan, hala kantatu du agur bertsoa Viñasprek: "Bai garaia zen ja probatzeko/ benetan hau da itzela,/ ta ze marroia eskaintzearena/ bati bakarrik txapela…/ Bertso eskolarentzat/ izan ahal zen,/ baina uste dut ez dela…/ Lierni bisitan lagun, kidea,/ baina gaur dugu bestela…/ Amarentzako, anaiarentzat/ baina ez da hain epela…/ Uste dut badakitela…./ Iratxe eta Ekaitz argi dut/ hau merezi duzuela,/ eta etxean nahi zaituztegu/ soilik behar bezela!".
Gasteizko Principal antzokian jokatu da finala, eta Viñaspre (612) eta Agirreren (595) ondoren, honela geratu da sailkapena: Xabi Igoa (409,5), Oihane Perea (399), Peru Abarrategi (384) eta Aroa Arrizubieta (363).
Ane Zuazubiskarrek egin du saioaren jarraipena. Hauek izan dira kartzelako lanean Viñasprek eta Agirrek kantatu dituzten bertsoak:
Kartzelako lanean, Iñaki Viñaspre. "Zure familiako ohiturarekin apurtzea erabaki duzu". #abtx19@berriapic.twitter.com/uOR8qu3gaZ
— Ane Zuazubiskar (@AneZuazubiskar) 2019(e)ko martxoaren 30(a)
Kartzelako lanean, Manex Agirreren hiru bertsoak. "Zure familiako ohiturarekin apurtzea erabaki duzu". #abtx19@berriapic.twitter.com/8GWZAo3Hk4
— Ane Zuazubiskar (@AneZuazubiskar) 2019(e)ko martxoaren 30(a)
