Albistea entzun

Preso bat hilda aurkitu zuten atzo Zaballako espetxean

Azken asteetan bi pertsona hil dira Zaballako espetxean (Araba). Azkena, atzo. Otsailean beste pertsona bat hil zen. Aurten, hiruk galdu dute bizia kartzela horretan.

Zaballako espexean, ireki zutenean 2012an
Zaballako espexean, ireki zutenean 2012an / Juanan Ruiz (Foku)

Jokin Sagarzazu -

2019ko apirilak 3 18:02

Espainiako Espetxe Erakundeen Zuzendaritzak kazeta honi baieztatu dio azken asteetan bi preso hil direla espetxe horretan. Atzo hildakoa, eguerdiko zenbaketan aurkitu zuten bere ziegan. Otsailekoa, goizeko zenbaketan. Biek "ustez" beren buruaz beste egin zuten.

Espetxe Zuzendaritzak ez du informazio gehiago eman nahi izan, azaldu duenez, "hildakoen eta euren familien nortasunak babestearren", eta kasuak "judizializatuta" daudelako. Adierazi du hilda aurkitu zituzten egunean bertan abisatu zituztela senideak eta Gasteizko Epaitegia.

Bihar xehetasun gehiago emateko asmoa duela azaldu du Salhaketak.

Aurtengo lehen hildakoaren harira elkarte horrek azpimarratu zuen Espainiako Espetxe Erakundeen Zuzendaritzak utzi egin diola kartzeletako heriotzen berri emateari; azken urteetan hildakoen %10 ere ez dituela jakinarazi salatu zuen.

Horrez gain, kritikatu zuen kartzeletako arduradunek familiei informazio oso urria ematen dietela heriotza argitzeko dituzten eskubideen inguruan. Eta neurriak eskatu ditu hori saihesteko; besteak beste, fiskalak ofizioz ikerketa zabaltzea kartzelan gertatzen diren heriotzen inguruan.

Heriotza "ez-naturalak"

Urtarrilaren 17an, 28 urteko gizon bizkaitar bat hil zen, kartzelako langileek familiari jakinarazi ziotenez, droga gaindosi baten ondorioz. Salhaketak azaldu zuen heriotza saihesteko aukera izan zutela Arabako espetxeko arduradunek, ziegako kideak droga jaso zuen susmoa zabaldu zelako kartzelan —hark ere izan zuen gaindosia—. Prebentzio neurririk ez hartzea egotzi zioten espetxeko arduradunei.

Salhaketak nabarmendu zuen espetxe barruan gertatzen diren heriotzak ez direla naturalak: ez droga gaindosiak eragindakoak, ez suizidio bidezkoak. Heriotza horietan erakundeek ere erantzukizuna dutela azpimarratu zuen. Datu bat eman zuen: Espainiako Estatuko espetxeetan dauden presoen %80k dauka droga menpekotasunen bat.

 

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Donostialdeko ESIko zerbitzuburuen ordezkariak, gaur, Gipuzkoako Medikuen Elkartearen egoitzan. / ©Foku

Harreman «asimetrikoak» hausteko bitartekaritza talde bat eskatu dute Donostialdeko ESIko zerbitzuburuek

Iosu Alberdi

Kargugabetzeak egiteko modua kritikatu dute, eta Jaurlaritzarekin eta Osakidetzako zuzendaritzarekin hitz egiteko mahai bat eskatu dute, «egoera konpontzeko». Zenbait eskaera zehatz egin dizkiote Osakidetzari.

Bingen Zupiria Eusko Jaurlaritzako bozeramailea, artxiboko argazkian. / ©Endika Portillo, Foku

Zupiriak esan du Osakidetzaren lan ildoarekin «erresistentzia» agertzeagatik egin direla kargugabetzeak

Edurne Begiristain

Gotzone Sagarduik Eusko Legebiltzarrean agerraldia eskatu du, Donostialdeko ESIaren egoera azaltzeko.

Aranzadi zientzia elkartea desobiratze lanetan, Urduñako hilerrian ©Irekia

Urduñako espetxe frankistako hogeita hamar presoren gorpuzkiak aurkitu dituzte herriko hilerrian

Berria

Aranzadi zientzia elkartea ari da gorpuzkiak lurpetik ateratzen. Gogora institutua biktimen senideekin harremanetan jarri da.

Antton Kurutxarri EEPko lehendakaria agerraldi batean ©Guillaume Fauveau

EEPko ordezkariek Parisen isiltasuna deitoratu dute

Garazi Aduriz Zuñeda

Irailean egin zuten bilkura Frantziako Hezkuntza Ministerioarekin. Azterketak euskaraz egiteko eskubidea aipatu zuten nagusiki.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.