Albistea entzun

Euskal presoak

Preso guztiak Zaballara ez eramateko aitzakiarik ez dagoela nabarmendu du Etxerat-ek

Euskal preso guztien Euskal Herriratzea galdegin dio Etxerat-ek Espainiako Gobernuari, elkartearen Batzar Nazionalean.

Etxeraten agerraldia, elkartaren gaurko Batzar Nazionalean, Gasteizen.
Etxeraten agerraldia, elkartaren gaurko Batzar Nazionalean, Gasteizen. Aritz Loiola/Foku

Berria -

2019ko apirilak 7 10:46

Etxerat-ek berretsi du datozeen hilabeteetarako bere jardun nagusia "salbuespenezko espetxe politiken desaktibazioa lortzea" izango dela. Horretarako, informatzen, testigantza ematen eta salaketak egiten jarraituko duela adierazi du, "urrunketari eta preso gaixoek pairatzen duten muturreko egoerari lehentasuna emanez".

Espainiako Gobernuak espetxe politikan aldaketak iragarri zituenetik, azken bederatzi hilabeteetan eman diren urratsen gaineko balorazioa egin du Etxerat-ek. Elkartearen esanetan, Madrilek hartu dituen neurriak ez dira nahikoak. "Espainiako Gobernuak 24 preso (%8,5) lekualdatu ditu Euskal Herritik hurbil dauden kartzeletara. Teknikoki, hurbildu egin ditu, baina urrats hori ez da inondik ere nahikoa. Oraindik ere, 500 eta 2.000 kilometro bitarteko bidaiak egin behar ditugu astero, gure bizia arriskuan jarriz".

Etxerat-ek nabarmendu du ez dagoela "inolako aitzakiarik" euskal presoak Euskal Herriratu eta Zaballako espetxera eramateko; "ez legediaren aldetik, ezta baldintza materialei dagokienez ere".

Euskal preso guztiak Zaballara lekualdatzeko eskatu dio Etxerat-ek Espainiako Gobernuari, eta urrats hori "azkar eta arduraz" egin dezala galdegin dio. "Orain dela 30 urte kontrakoa egiteko erakutsi zuen azkartasun eta ardura berberarekin. Izan ere, 600 euskal preso baino gehiago sakabanatu eta urrundu zituen bi hilabeteko epean".

Espainiako Gobernuak espetxe politikan aldaketak iragarri zituenetik, euskal preso bat kartzelan hil dela gogorarazi du Etxerat-ek. Horrez gain, gaixotasun larriak dituzten "preso ia guztiek" lehen graduan eta espetxe urrunetan jarraitzen dutela salatu du, "tratamendu egokia jasotzeko aukerarik gabe". Frantzian, berriz, bizi osoko espetxe zigorra ezarri zitzaien lau presoetako hiruk kartzelan jarraitzen dutela nabarmendu du," baldintzapeko askatasuna lortzeko arauak betetzen dituzten arren".

Oraindik ere beren senideak bisitatzeko ehunka kilometroko bidaiak egitera behartuta, euskal presoen 24 senidek istripuak izan dituzte errepidean, Etxerat-ek azaldu duenez. Elkarteak adierazi du sakabanaketak eragin dituen hildakoen aitorpensozial eta instituzionala bultzatzeko lanean jarraituko duela.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Bizkaiko Batzar Nagusietan Usansoloren desanexioa bozkatu zen momentuan ©Marisol Ramirez/ FOKU

Galdakaoko Udalak demandatu gisa aurkeztea erabaki du Usansoloko auzian

Berria

Bizkaiko Batzar Nagusiek lurraldeko 113. udal gisa onartu zuten Usansolo, galdeketaren ostean, eta estatuko abokatutzak helegitea aurkeztu zuen. Galdakaoko Udalak demandatu gisa aurkeztea erabaki du, prozesu honetan egindako bidea defendatzeko.

 ©JON URBE / FOKU

«Adostasun berriek ahalbidetu dute bake prozesua»

Irati Urdalleta Lete

Foro Sozialaren bidea ixtear da, baina hor dago eginikoa: hamabi aholkuetatik 11 beteta edo betetzear. Eta egitekoak: adibidez, biktimen «asimetria» gainditzea. Balorazio «ona» egin dute.
 ©MARISOL RAMIREZ / FOKU

«Madrilen berme» mahaian

Jon Ordoñez Garmendia - Xabier Martin

PSE-EEn bide luzea eginikoa da Ares: sozialisten ordezkari 2005etik 2007ra bitarteko bake elkarrizketetan eta Jaurlaritzako Barne sailburu, besteak beste. Karguan zela hil zuen Ertzaintzak Cabacas. 68 urte zituela hil da.

Bake Bideak eta Bakegileak taldeek antolatu mobilizazioa Ipar Euskal Herria blokeatzeko. ©Bob Edme/ Iparla

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...