Gaurtik hasi eta datorren asteartera bitartean jai egunak dituzte askok Hego Euskal Herrian, eta halakoetan maiz gertatu ohi den moduan ugari izan dira egunok kanpoan pasatzea erabaki dutenak. Ondorioz, auto ilara luzeak sortu dira errepideetan. Arazo nagusiak hiru puntutan izan dira Bizkaian, Kantabriarako noranzkoan, Biriatun (Lapurdin) eta Armiñonen (Araba).
Eguerdiko 13:30 inguru zirenean 13 kilometroko auto ilarak zeuden A-8an Bizkaian, Kantabriarako noranzkoan. Lapurdin, berriz, zortzi kilomatrorainoko ilarak sortu dira Biriatuko ordainlekuetan, Baionarako noranzkoan.
12 km-tako #Autopilaketak#A8-an Kantabriako norantzan: Kantabriako mugatik 127. km-ra (#Portugalete) heltzen dira. #AsteSantua19
— Trafiko Zuzendaritza (@trafikoaEJGV) 2019(e)ko apirilaren 18(a)
12 km de retenciones en #A8 sentido Cantabria: desde el límite provincial hasta el Pk 127 #Portugalete. #Trafikoapic.twitter.com/TmhYgDUCTf
Ilara txikiagoak sortu dira Araban, Armiñonen. A-1 eta Ap-1aren arteko lotunean, Madriderako noranzkoan, goizeko zortziak inguru zirenean hasi dira arazoak, eta eguerdirako bost kilometro ingurukoak ziren ilarak.
