Albistea entzun

Aberri Eguna

Zentralizazio gutxiago eta "euskal estatu gehiago" eskatu du Urkulluk

Aberri Eguneko ekitaldian egin ditu adierazpenak Jaurlaritzako lehendakariak. Jeltzaleek Bilbon ospatu dute gaurko eguna. Han izan dira EBBko buru eta kideak ere.

Aritz Loiola/Foku

Arantxa Elizegi Egilegor -

2019ko apirilak 21 13:44

Hauteskunde kanpainan jeltzaleak "tolerantziarik eza eta jazarpena" jasaten ari direla salatu du Bilbon Iñigo Urkullu lehendakariak. Aberri Eguneko ekitaldian egin ditu adierazpenok buruzagi jeltzaleak, eta nabarmendu du "abertzale" izateak berarekin dakarrela "autogobernua bultzatzea, eskumenez eskumen". 

"Euskal estatu gehiago" eskatu du Urkulluk Bilboko Plaza Barrian egindako agerraldian, eta ohartarazi du hauteskunde kanpainan asko direla bestelakoak saldu nahi dituztenak ere. Hala, hiru motatako jarrerak bereizi ditu: dena nahi dutenak, eta gehienetan esku hutsik geratzen direnak; ezezkoari eusten diotenak, eta orain haien indarra hirukoiztu asmo dutenak, eta eraikitakoa desegin asmo dutenak; eta atzera egin nahi dutenak eta gobernua osatzeko soilik bilatzen dituztenak aliantzak "Euskadirekin". 

Hiru estrategia horien aldean "alternatiba bat" badela adierazi du lehendakariak: "jeltzaleena". "Berdintasunean, aldebikotasunean eta ekordioetan oinarritutako harremana nahi dugu Estatuarekin. Gure inguruko beste herrialdeen kasuan bezala, gure etorkizuna erabakitzeko ahalmena errespetatuko duen eredu bat nahi dugu". 

Bide beretik, "autogobernuari eraso" egin nahi diotenak ohartarazi ditu Andoni Ortuzar EBBko buruak. "Akordioa hausten badute, herriak gogor erantzungo du demokraziatik. Autogobernua gehiago ez sakontzetik, hura desegiteaz hitz egitera igaro dira, eta Espainiako beste alderdiek isilik jarraitzen dute". 

Biktimak gogoan

Biktimak ere izan ditu gogoan lehendakariak. "Laburbideak hartu zituzten horiek ez dira gai egindako akatsak eta eragindako min bidegabea onartzeko", salatu du, eta gogora ekarri du duela mende erdi ETAk hildako Fermin Monasterio. "Laburbideak hartu zituztenei eskatzen diet entzun ditzatela harena bezalako familiak, entzun dezatela iraganeko surfimenduaren eta etorkizuneko elkarbizitzarekiko konpromisoaren ahotsa". 

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Bizkaiko Batzar Nagusietan Usansoloren desanexioa bozkatu zen momentuan ©Marisol Ramirez/ FOKU

Galdakaoko Udalak demandatu gisa aurkeztea erabaki du Usansoloko auzian

Berria

Bizkaiko Batzar Nagusiek lurraldeko 113. udal gisa onartu zuten Usansolo, galdeketaren ostean, eta estatuko abokatutzak helegitea aurkeztu zuen. Galdakaoko Udalak demandatu gisa aurkeztea erabaki du, prozesu honetan egindako bidea defendatzeko.

 ©JON URBE / FOKU

«Adostasun berriek ahalbidetu dute bake prozesua»

Irati Urdalleta Lete

Foro Sozialaren bidea ixtear da, baina hor dago eginikoa: hamabi aholkuetatik 11 beteta edo betetzear. Eta egitekoak: adibidez, biktimen «asimetria» gainditzea. Balorazio «ona» egin dute.
 ©MARISOL RAMIREZ / FOKU

«Madrilen berme» mahaian

Jon Ordoñez Garmendia - Xabier Martin

PSE-EEn bide luzea eginikoa da Ares: sozialisten ordezkari 2005etik 2007ra bitarteko bake elkarrizketetan eta Jaurlaritzako Barne sailburu, besteak beste. Karguan zela hil zuen Ertzaintzak Cabacas. 68 urte zituela hil da.

Bake Bideak eta Bakegileak taldeek antolatu mobilizazioa Ipar Euskal Herria blokeatzeko. ©Bob Edme/ Iparla

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...