Noiz sortua: 2019-04-25 07:11:32

atxiloketa

Andoni Goikoetxea atxilotu du Guardia Zibilak, espetxe zigorra betetzeko

Ibarran atzeman dute. Auzitegi Nazionalak zazpi urteko kartzela ezarri dio, ETArekin lotuta. Apirilaren 9an epaitu zuten.

Andoni Goikoetxea.
Andoni Goikoetxea.

Berria -

2019ko apirilak 25

Guardia Zibilak Andoni Goikoetxea atxilotu du Ibarran (Gipuzkoa), Espainiako Auzitegi Nazionalak ezarri dion zazpi urteko kartzela zigorra bete dezan. Apirilaren 9an epaitu zuten Gazteluko bizilaguna, ETArekin lotuta, eta epaiaren zain zegoen. Atxilotuta zela berak etxera deituta jakin dute sendiak eta abokatuak atxiloketaren arrazoia zein zen. Arratsaldean Madrilera eraman zuten Goikoetxea.

Tolosaldeko Ataria-k jakinarazi duenez, hainbat lagunek 15:30 aldera Ibarran Guardia Zibilaren kontrol batean ikusi dute Goikoetxea, Apatta industrialdean, eta ustez atxilotzen ari ziren. Sendiak eta lagunek Guardia Zibilaren Tolosako kuartelera jo dute, baina ez diete berririk eman. Donostiako komandantziara deitu dute ondoren, eta han baieztatu diete atxiloketa, 17:45 aldera.

Epaiketan, fiskaltzak bederatzi urteko espetxea eskatu zuen, eta AVTk hamarrekoa. ETAko kide izatea egotzita,

2013an atxilotu egin zuten. Frantzian zazpi urteko espetxe zigorra bete ostean, 2017ko azaroan aske geratu zen.

Sortuk atxiloketa salatu du. "Hemen batzuek interes handiegia dute herri honek aurrrera egin ez dezan, iraganera kateatzen saiatzen baitira. Bakean eta bizikidetzan oinarritutako agertoki bat irrikaz desio du Euskal Herriak, eta ezinbestekoa da kartzelak hustea".

Portu, Sarasola eta San Sebastianen epaia berrikusteko ezezkoa

Espainiako Auzitegi Gorenak baztertu egin du T-4ko atentatuagatik zigortutako hiru lagunen epaia berriro aztertzea. Igor Portu, Mattin Sarasola eta Mikel San Sebastian euskal presoen defentsak egin zuen sententzia berrikusteko eskaera, Europako Giza Eskubideen Auzitegiak iaz Espainiako Estatua zigortu ondoren Porturi eta Sarasolari atxiloaldian (2008) eragindako tratu txarrengatik.

ETAk 2006ko abenduaren 30ean egin zuen T-4 Barajasko (Madril) atentatua, bonba-furgoneta bat lehertuta, eta bi zibil hil ziren. Auzitegi Nazionalak 1.040 urteko espetxea ezarri zien Porturi, Sarasolari eta San Sebastiani, 2010an. Goreneko Bigarren Aretoak ez die baimenik eman epaiaren berrikuste helegitea aurkezteko, Europaren ebazpenak orduko epaiari aipamenik egiten ez diola argudiatuta.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Osakidetzako langile bat Txagorritxuko laborategi batean lanean. ©Gorka Rubio, Foku

Justizia Auzitegi Nagusiak ebatzi du Osakidetzak arriskuan jarri dituela langileak

Ainhoa Larretxea Agirre - Mikel P. Ansa

Osagileen sindikatuek jarri zuten salaketa, eta ekainaren 16an egin zuten epaiketa. ESK sindikatuak Nekane Murga Osasun sailburuaren eta Osakidetzako zuzendaritzaren dimisioa eskatu du. Osakidetzak, ordea, «positibotzat» jo du ebazpena, epaileak atzera bota dituelako sindikatuen «eskari gehienak».

Jendea paseoan, konfinamendua arintzeko lehen fasean. ©JON URBE/ FOKU

Jaurlaritzak ziurtatu du COVID-19aren agerraldiak «kontrolatuta» daudela

Irati Urdalleta Lete

Beste hamalau positibo eta hiru hildako daude. Jaurlaritzak pentsatu du neurriak areagotuko dituela jende pilaketak «mantenduz eta orokortuz» gero

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna