Noiz sortua: 2019-05-02 07:16:29

Pilota

Espainiako selekzioari uko egin diote hiru pilotarik

Asier Aspuru, Ekhi Ziarrusta eta Inhar Ugarte aurtengo Munduko Kopa prestatzeko saioetara deitu ditu Espainiako selekzioko hautatzaileak. Hirurek uko egin diote entrenamenduetan parte hartzeari.

Asier Aspuru —beheko lerroan, eskuinean— euskal selekzioko pilotari talde batekin.
Asier Aspuru —beheko lerroan, eskuinean— euskal selekzioko pilotari talde batekin.

Berria -

2019ko maiatzak 2

Frantzian jokatuko da Munduko Kopa aurten, eta Aspuruk, Ziarrustak eta Ugartek ongi dakite kirol lorpen pertsonal bat lortzeko aukera izan daitekeela bertan lehiatzea. Ofizialtasunaren aldeko bidean, urratsa egitea erabaki dute, ordea, eta uko egin diote Espainiako selekzioan aritzeko hautaketa fasean parte hartzeari, argudiatuta selekzio horrek ez dituela ordezkatzen. "Soilik Euskal Herria ordezkatuz jokatuko nuke", adierazi dio Aspuruk Anboto agerkariari.

Aspururen iritziz, euskal kirolariek Espainiako selekzioarekin jokatzeak Euskal Herriko selekzioaren ofizialtasunik eza "normalizatzea" du ondorio, eta hari uko egitea, berriz, auzia gizarteratzeko eta "ofizialtasunaren aldeko kontzientzia sortzeko" baliagarria dela deritzo.

Aspuruk, Ziarrustak eta Ugartek Alfonso Sanz esku pilotako trinket jokamoldeko Espainiako hautatzailearen deia jaso zuten Aste Santuan. Hirurak ere maila handian ari dira lehiatzen. Datorren asteburuan, GRABNI —Gipuzkoako, Errioxako, Arabako, Bizkaiko, Nafarroako eta Iparraldeko— federazio arteko txapelketako finala jokatuko dute, Bizkaiko selekzioarekin, Hendaian. Aspuruk buruz buruko txapela jokatuko du, eta Ziarrustak eta Ugartek binakakoa jokatuko dute.

Pilotako euskal selekzioaren ofizialtasunari buruzko afera lehen lerrora eraman zuen Nazioarteko Pilota Federazioak Bixintxo Bilbaori jarri zion zigorrak. Urtebetez nazioarteko lehiaketetan jokatzea debekatu zion, Munduko Txapelketako finala irabazi ondoren podiumera ikurrinarekin igotzeagatik. Bilbaok BERRIAk argitaratutako elkarrizketan adierazi zuen zigorrak agerian utzi zuela "batzuek gordea duten gorrotoa". Pilotariak helegitea jarriko zuela iragarri zuen, eta Nazioarteko Pilota Federazioak atzera egin zuen. Ezarritako zigorra kentzea erabaki zuen azkenean.

 

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Apirilaren 7an eguneratua, 14:00etan. ©BERRIA

Koronabirusaren azken datuak

Berria

Euskal Herrian 12.401 gaixok eman dute positibo koronabirusaren proba eginda. 790 hil dira. COVID-19 gaitza izandako 4.149 pertsonari eman diete alta. Grafikoak, albiste barruan.

Zazpi kaletako metro sarrera, Bilbon. ©Aritz Loiola / Foku

Beste 77.200 kasu atzeman dituzte munduan

Berria

OME Osasunaren Munduko Erakundeak emaniko datuen arabera, munduan 1.279.722 COVID-19 kasu diagnostikatu dituzte dagoeneko, atzo baino 77.200 gehiago. Edonola ere, aurreko egunarekin parekatuta, %5 gutxiago dira gehituriko kasuak. Denera 72.716 pertsona hil ditu birusak dagoeneko munduan.

Urkullu lehendakaria eta Artolazabal Enplegu eta Gizarte Politiketako sailburua ©Irekia

ELAren eta LABen salaketari buruzko erabakia atzeratu egin du EAEko Justizia Auzitegiak

Jokin Sagarzazu

Urkulluk dio sindikatuek auzitara jo izanak ez duela «inolako justifikaziorik».

Lanbidek Bilbon duen buego bat, aurreko astean ©Luis Tejido (Efe)

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna