Euskaltzaletasuna eta Feminismoa: zer ikasi, hura elikatu goiburupean, bost saioko ikastaroa antolatu dute elkarlanean UEUk, Gabriel Aresti Euskaltegiak, Bilboko Kafe Antzokiak eta Jakin aldizkariak. Euskaltzaletasunaren eta feminismoaren arteko elkargune eta harremanei buruz hausnartuko dute, urtarriletik maiatzera bitartean. Joan den astelehenean egin zuten laugarren saioa, Itziar Gandarias Goikoetxea hizlari zela. Saio hori ikus daiteke BERRIA TBn.
Urtarrilaren 28an egin zuten lehenengo saioa, bertan Idurre Eskisabelek eta Lorea Agirrerek 'Euskaltzaletasuna eta feminismoa, ahalduntzeko elkargunea' hitzaldia eman zuten.
[Youtube]https://youtu.be/mqeULQ2fPJg[/Youtube]
Bigarren saioa otsailaren 25ean egin zuten Aizpea Otaegi Mitxelena eta Jaime Altuna Ramirez hizlari zirela. Euskara eta generoaren arteko harremanaz aritu ziren.
[Youtube]https://youtu.be/bZ3axo0Wr18[/Youtube]
Hirugarren saioan Saioa Iraola Urkiola feminismoaren genealogiaz aritu zen.
[Youtube]https://youtu.be/3-krwF7yEGg[/Youtube]
Azkeneko saioa maiatzaren 27an izango da. Amelia Barquín López Mondragon Unibertsitateko HUHEZIko irakasleak euskaraz hizkuntza sexista ekiditeko bideak proposatuko ditu. Azken saio horren ostean, Ane Labaka Mayozek eta Bea Egizabal Ollokiegik Erradikalak ginen bertso-antzerki ikuskizuna eskainiko dute, Erradikalak gara ikuskizunaren jarraipena.
