Bengoetxea VI.a 8-22 Urrutikoetxea

Urrutikoetxeak ez du huts egin

Mikel Urrutikoetxeak 8-22 irabazi dio Oinatz Bengoetxeari, eta bera da finerdietarako hirugarren sailkatua. Gaur osatuko da laukoa, Danel Elezkanoren eta Peio Etxeberriaren arteko kanporaketaren irabazlearekin.

Urrutikoetxea eta Bengoetxea, atzo, buruz buruko txapelketaren final-laurdenetako partidan, Bilboko Bizkaia pilotalekuan.
Urrutikoetxea eta Bengoetxea, atzo, buruz buruko txapelketaren final-laurdenetako partidan, Bilboko Bizkaia pilotalekuan. Monika del Valle/Foku

Berria -

2019ko maiatzak 6

Urrutikoetxeak helburu nagusia bete du: oparirik ez egitea. Buruz buru, horrek balio handia duela nabarmendu du zaratamarrarak, partidaren ostean. Pilota bizi irten zaio eskutik eta pozik geratu da kantxan izan dituen sentsazioekin.

Bengoetxea VI.a, berriz, ez da batere eroso aritu. Frontisetik urrun jokatu behar izan du eta erasoan saiatu denean, jokaldiak ez zaizkio nahi bezala irten. Urrutikoetxea gehiago izan dela onartu du, eta hura zoriondu du.

Finalerdietarako hirugarren sailkatua da Urrutikoetxea. Aurretik, txartela lortu dute Iker Irribarriak eta Joseba Ezkurdiak. Azken hori izango da Urrutikoetxearen aurkaria, maiatzaren 18an, Bilboko Bizkaia pilotalekuan. Gaur osatuko da finalaurrekoetako laukotea. Danel Elezkanok eta Peio Etxeberriak elkarren aurkoa jokatuko duten kanporaketa irabazten duena izango da laugarren sailkatua. Irabazleak Irribarria izango du aurkari, hilaren 19an, Eibarko Astelehenan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna