Noiz sortua: 2019-05-07 13:21:47

Turkia

Protestak izan dira bart Istanbulen, bozak baliogabetu ostean

Oposizioko CHP alderdi sozialdemokrataren hauteskunde garaipena bertan behera utzi du Turkiako Hauteskunde Batzordeak, eta Ekrem Imamogluk alkatetza galdu du, kargua hartu eta hiru astera.

Ekrem Imamoglu sozial demokrataren aldeko jarraitzaileak, atzo, Erdoganen kontrako protestetan.
Ekrem Imamoglu sozial demokrataren aldeko jarraitzaileak, atzo, Erdoganen kontrako protestetan. ERDEM SAHIN/EFE

Berria -

2019ko maiatzak 7

Oposizioaren haserrea eragin du bart, Turkiako Hauteskunde Batzordeak Istanbulgo udal hauteskundeak baliogabetu izanak. Milaka pertsona atera ziren atzo gauean kalera lapikoekin eta txilibituekin zarata ateratzera protesta gisara; batzuk kalean, beste batzuk leiho eta balkoietan eta autoekin bozina jotzen aritu ziren. Ekrem Imamogluren izena ere oihakatu dute, martxoaren 31ko udal hauteskundeetako garailea, CHP alderdi sozialdemokratako hautagaia.

Imamogluk lapurretatzat jo zuen atzo hauteskunde batzordearen erabakia: "Boz hautek martxoaren 31n bertan lapurtzen saiatu ziren, esan zuen milaka jarraitzaileren aurrean Bylikduzu auzoan. "Ezin izan zutenez, hauteskunde batzordea presionatu zuten. Eta horrek men egin zien". Aurreratu du ez duela amore emango: "Maite zaituztet. Irabaziko dugu eta dena ondo egongo da", esan zien bere jarraitzaileei.

AKPren kolpe latza

Recep Tayyip Erdogan Turkiako presidentearen AKP alderdiak kolpe latza jaso zuen martxoaren 31ko udal hauteskundeetan. Istanbuleko alkatetza galdu zuen, CHP alderdiaren mesedetan, 23.000 botoko alde estuarekin —8,8 milioi boto izan ziren guztira—. AKPk ez ditu hauteskunde emaitzak ontzat eman, ordea, eta Hauteskunde Batzordean salatu ditu, bozak legezko baldintzak ez dituela bete iritzita.

AKPk argudiatu du hautes mahaietako 225 presidente eta 3.500 kide ez zirela langile publikoak, legeak exijitzen duen moduan. Imamoglu alkate sozial demokratak erantzun du egoera hori ohikoa dela hauteskunde guztietan, eta inoiz ez direla emaitzak indargabetu arrazoi horrengatik. Hauteskunde Batzordeak, baina, ontzat eman du AKPren eskaria eta emaitzak indargabetu ditu. Horrez gain, hauteskundeak errepikatzera deitu du, ekainaren 23rako. Imamoglu behin behineko alkate batek ordezkatuko du ordura arte.

Hauteskunde Batzordearen erabakiak milaka herritarren protesta eragin du Istanbulgo kaleetan. Imamogluren jarraitzaileek lapiko jotzea egin dute gauean balkoietan eta protesta sare sozialetan ere hedatu da.

"Martxoaren 31ko gauean saiatu ziren hauteskunde hauek lapurtzen", salatu du Imamogluk, Erdoganen kontrako leloak oihuatzen zituzten milaka manifestariren aurrean. "Ezin izan zutenean hori egin, Hauteskunde Batzordea presionatu zuten, eta batzordea makurtu egin da". Buruzagi sozial demokratak ohartarazi du ez duela inoiz ere etsiko, eta ziurtatu du "herrialde osoaren kontzientzia" bere alde dagoela.

CHP soilik 23.000 botoko aldearekin gailendu zitzaion AKPri Istanbulen. Erdoganen alderdia botoak berriro zenbatzeko egindako eskarien ondorioz, aldea 13.000 bototara murriztu zen. Sozial demokraten garaipenarekin, alderdi islamisten 25 urteko gobernu aldia eten zuen CHPk.

Istanbulen galera kolpe gogorra izan zen Turkia 2002 urteaz geroztik gobernatzen duen AKP alderdiarentzat. Ez soilik hiriak Turkiako biztanleriaren %20 biltzen duelako eta BGPren %30 sortzen duelako. Istanbulek karga sinboliko handia du Turkiako presidentearen alderdiarentzat. Izan ere, bertako alkatetza irabazita egin zuen jauzi Erdoganek lehen lerro politikora, 1994an.

Istanbuleko hauteskunde emaitzak indargabetzeko erabakia publiko egin denerako hiriko burtsa itxita bazegoen ere, albisteak harrera txarra izan du merkatuetan. Lira turkiarrak behera egin du, iazko urriaren erdialdeko mailara: 6,8 lira euroko.

 

 

Albiste gehiago

Apirilaren 2an eguneratua, 13:00etan. ©BERRIA

Koronabirusaren azken datuak

Berria

Euskal Herrian 10.022 gaixok eman dute positibo koronabirusaren proba eginda. 555 hil dira. COVID-19 gaitza izandako 2.459 pertsonari eman diete alta. Grafikoak, albiste barruan.

Gizon bat, Zagreben. ©ANTONIO BAT / EFE

Sakelakoen kokapena jasoko du Madrilek

Berria

Telefonica, Orange eta Vodafone konpainiek euren sareak erabiltzen dituzten sakelakoak non dauden kontrolatuko dute, eta informazioa Madrilgo Gobernuari emango diote. Koronabirusaren aurkako borrokan, populazioaren inguruko mugimenduei buruzko datuak biltzea da asmoa, Madrilen arabera, eta, gaineratu duenez, ikerketak ez ditu “gizabanakoen mugimenduak atzemango”, baizik datu “anonimoak eta multzoka”.

Murga, Urkullu eta Beltran de Heredia, diputazio iraunkorrean telematikoki azalpenak ematen. ©/ Irekia

Oposizioak «gardentasun falta» egotzi dio Urkulluri

Irati Urdalleta Lete

Iñigo Urkullu Jaurlaritzako lehendakariak azalpenak eman ditu Eusko Legebiltzarreko diputazio iraunkorreko bilkuran, EH Bilduk hala eskatuta. Argudiatu du «osasun arduradunen ezagutzan eta unean-unean izan dugun informazioan oinarrituta» jokatu dutela.

Donostiako ospitaleko langile batzuk, mobilizazio batean ©Jon Urbe (Foku)

Osasuna bermatzen ez duten enpresak, fiskaltzara

Jokin Sagarzazu

LABek langileen kexak igorriko dizkio, zigor instrukzioko prozesuak ireki ditzala eskatzeko. Ohartarazi du oinarrizko zerbitzu batzuk «kolapsoan» daudela. ELAk, berriz, materiala bermatzeko eskatu dio EAEko Auzitegi Nagusiari.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna