Albistea entzun

Euskal Herriko V. Jardunaldi Feministak egingo dituzte azaroan

Durangon dira topaketak, azaroaren 1etik 3ra, ‘Salda badago’ goiburupean. 11 urte igaro dira Euskal Herriko Mugimendu Feministak azken topaketak egin zituenetik.

Euskal Herriko V. Jardunaldi Feministak egingo dituzte azaroan
Euskal Herriko V. Jardunaldi Feministak egingo dituzte azaroan

Ainhoa Larrabe Arnaiz -

2019ko maiatzak 11 08:10

“Martxoaren 8aren ondoren, zer?”, galdera jaurtia zuen Euskal Herriko Mugimendu Feministak. Grebak izandako arrakastaren ondoren, urrats bat harago egingo du mugimendu feministak aurten: Euskal Herriko V. Jardunaldi Feministak antolatu dituzte azaroaren 1etik 3ra bitarterako, Durangon (Bizkaia). Ehunka emakume bildu dira gaur goizean ekitaldia aurkezteko egindako agerraldian.  “Euskal Herriko mugimendu feminista autonomoko kideak bilduko gara eztabaidatu, erabakiak hartu eta elkarrekin trebatzeko”, azaldu du Garazi Goienetxea Diezek.

11 urte dira, 2008an, Portugaleten (Bizkaia) IV. Jardunaldi Feministak egin zirenetik. “1.300 feminista elkartu ginen, eta prest gaude garaiak eskatzen digun erronkari heltzeko. Beraz, gure arteko adostasunak berretsiko ditugu azaroan, berriak ere eraikiko ditugu eta baita datozen urteetarako estrategiak adostu ere”. Azaldu dutenez, gaika egituratuko dituzte jardunaldiak. Bost ardatz landuko dituzte, zehazki: mugimendu feministaren barne egitura, bizitzak erdiguneratzeko neurriak, indakeriarik gabeko bizitzen eraikuntza, sexualitatea eta gorputzaren merkantilizazioa. “Antolatuta eta kementsu gaude, baina jardunaldien ondoren are gehiago sendotuko gara: neofaxismoaren aurrerakadaren aurrean, matxismoaren eta arrazismoaren kontra dugun estrategia askoz ere finduago egongo da”.

Salda Badago goiburua aukeratu dute jardunaldietarako. Lehengaia badagoela azaldu du Goienetxeak. “Gaur, lehen aldiz hartuko dugu salda, baina aspalditik dabil borborka. Azaroan gainezka egingo du, historikoak eta inflexio-puntuak ezarriko dituen jardunaldietan”.

Topaketen berri emateko webgunea ere aurkeztu dute gaur: www.saldabadagojardunaldiak.eus

 

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Biktimaren senarraren autoa, istripua izan eta gero, La Vila Joiosan (Herrialde Katalanak). ©Alacanteko suhiltzaileak

Zarautzen bizi izandako emakume baten hilketa matxista ikertzen ari dira Benidormen

Berria

68 urte zituen biktimak. Benidormen zuen etxean topatu du Poliziak, harengana joan denean esatera senarra auto istripu batean hil zaiola. Gorpuak indarkeria zantzuak zituen, eta senarra da susmagarri nagusia.

Ezkerretik eskuinera, Mitxel Lakuntza ELAko idazkari nagusia, Paul Bilbao Euskalgintzaren Kontseiluko idazkari nagusia eta Garbiñe Aranburu LABeko idazkari nagusia, gaur goizean. ©Aritz Loiola / FOKU

Kontseiluak, ELAk eta LABek 15 urtean euskaldunduta nahi dute Araba, Bizkai eta Gipuzkoako administrazio publikoa

Julen Aperribai

Bederatzi ekarpen egin dizkiote administrazioan euskararen erabilera arautuko duen dekretuari. Derrigortasun indizearen sistema «gainditzea», euskarazko zirkuituak sortzea eta langileen «egonkortasuna» bermatzea daude horien artean.

Adingabeen Sansoheta zentroa. ©Juanan Ruiz / EFE

Hamahiru urterainoko zigorrak onartu dituzte adingabeei sexu abusuak egiteaz akusaturikoek

Edurne Begiristain

Hasi da Sansoheta zentroan Arabako Foru Aldundiaren zaintzapean zeuden adingabeak prostituitu zituen sare bateko ustezko kideen aurkako epaiketa. Lauk egin dute akordioa fiskaltzarekin; hamar dira denera.

Frantziako Polizia Angelun (Lapurdi), artxiboko irudi batean. ©Jagoba Manterola / Foku

Donibane Lohizunen 24 urteko gazte bat hil da auto istripuz

Berria

23 eta 25 urteko beste bi lagun egoera larrian ospitaleratu behar izan dituzte. 

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...