Albistea entzun

Elezkano 12-22 Irribarria

Irribarria izango da Urrutikoetxearen aurkaria buruz buruko finalean

Irribarriak bere kolpe indartsuarekin hartu du mendean Elezkano. Zaratamokoa saiatu da aukera izan duenean erasora jotzen, baina oso behartuta jokatu du.

Irribarria izango da Urrutikoetxearen aurkaria buruz buruko finalean
Irribarria izango da Urrutikoetxearen aurkaria buruz buruko finalean

Berria -

2019ko maiatzak 19

Elezkano 2-0 aurreratu da markagailuan, eta Irribarriak 2-2 berdindu du partida. Ordurako erakutsi du bere kolpe ahaltsua kantxan ateratzeko prest zegoela, pilotakada ikusgarriak jo ditu eta. Elezkano asko behartu du atzeko koadroetan, eta aldea hartu du margakailuan. 3-9 aurreratu da.

Elezkanok bazekien partidaren aurretik ere aukera zuenetan jokaldia egiten ahalegindu beharko zela, eta horretan ahalegindu da. Lortu du tanto segida bat egitea, eta 5-9 hurbildu da. Irribarria guztiz behartzea lortu ez duenetan, ordea, aramarrak aukera baliatzen jakin du, eta oso atzean jarri du pilota, indartsu jota. 12-7 iritsi dira partidaren erdialdera.

Hortik aurrera, Irribarriak aldea handitu du berriro, 7-16 jartzeraino. Elezkanok, ordea, ez du etsi eta 10-16 jartzea lortu du, aurrean jokaldia eginda.

Azken txanpan, 10-18, 11-21 eta 12-22, Irribarria nagusitu da, eta buruz buruko finalerako sailkatu da. Urrutikoetxea izango du aurkari. Ekainaren 2an jokatuko da finala. Duela hiru urteko finalean elkarren kontra aritu ziren bi finalista berak izango dira beran aurten aurrez aurre. Irribarriak 22-13 irabazi zuen orduan.

Irribarriak partidaren ostean adierazi duenez, aurreko partidetan baino hobeto aritu da sakearekin, eta horrek konfiantza eman dio. Pilota eskutik ongi atera zaiola ere esan du. Elezkanok sake-erremate jokaldietan min egin diola onartu du. Hala ere, pozik agertu da bere jokoa egiteko gai izan delako.

Finalari begira, Urrutikoetxea aurkari gogorra dela argi dago, Irribarriaren iritziz. Opari gutxi egiten dituela eta joko sendoa duela nabarmendu du. Iusio handiarekin dagoela adierazi du, eta berea ematen saiatuko dela.

Elezkanoren esanetan, zaila izan du Irribarria bere jokora eramatea. Saketik ongi asmatu duela adierazi du, eta berak ez dituela aukerak baliatu. Horrela, Irribarriari irabaztea oso zaila dela gaineratu du.

Datorren astean, maiatzaren 26an, promozioko txapelketako finala jokatuko dute Elordik eta Dariok, Iruñeko Labrit pilotalekuan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Oiartzabal eta Merino, Realaren goleko bi protagonistak, gaur, Anoetan. ©Gorka Rubio / Foku

Barkatzen duenak ez du beti ordaintzen

Paulo Ostolaza

Realak neurketa nahi zuen lekuan izan du 80 minututan, eta gol gehiago sartzeko aukera mordoa izan ditu; tartean, Oiartzabalek huts egindako penalti bat. Merinok sartu du etxekoen gola 9. minutuan. Sailkapeneko bosgarren postuan sendotu dira txuri-urdinak.

Aleix Garcia, jota, atzo, partida amaieran Cadizen aurka galdu berritan. ©ROMAN RIOS / EFE

Betiko istorio berbera

Iñigo Lasa

Eibarrek galdu egin du Cadizen, eta jaisteko postuetan amaituko du jardunaldia. Marko Dmitrovicek penalti bat huts egin du, eibartarrak galtzen ari zirela

Jokin Altuna, gaur, Eibarko Astelena pilotalekuan. ©Aritz Loiola / Foku

Altunak eta Mariezkurrenak eutsi diote liderraren joari

Berria

Garaipenari esker, sailakapeneko lehen postuan berdinduta daude bi bikoteak. Neurketa osoan zehar aurretik joan dira Altuna eta Mariezkurrena, baina zail jarri diete Elezkanok eta Zabaletak.

Tesoriere eta Bonanno, Ademarreko Suarezekin lehian, atzo, Madrilen, Espainiako Kopako finalerdietan. ©J. J. GUILLEN / EFE

Bakeak egin gabe doa

Julen Etxeberria

Bidasoak galdu egin du Ademarren aurka, Espainiako Kopako finalerdietan. Irundarrek garesti ordaindu dituzte gorabeherak

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Berria

Informazio osagarria