Teknologia

Huawei Android gabe utzi du Googlek

AEBetako teknologia enpresa nagusiak Huawei hornitzeari utziko diote, Trumpen debekuaren ondoren.

Mauritz Antin/EFE

Iker Aranburu -

2019ko maiatzak 20

AEBen eta Txinaren arteko merkataritza gerra lehen biktima bat eragitekotan da: Huawei. Munduko telefonia konpainia nagusietako bat zen Txinako enpresa: haren sakelako telefonoak gehien salduen artean hirugarren kokatu ziren iaz —Samsungen eta Appleren atzetik—, eta haren telekomunikazio sareak mundu osoan zehar erabiltzen dira. Baina, joan den astean, Donald Trumpek debekatu egin zien AEBetako konpainiei Huaweirekin tratuak izatea, Txinako konpainia Pekingo gobernuaren alde espiatzen ari delakoan. 

Etxe Zuriaren agindua betetzen lehenetako bat Google izan da: jakinarazi du Android sistema operatiboaren zerbitzua eten diola Huaweiri. Horrek ez du esan nahi Huawei telefonoak automatikoki funtzionatzeari utziko diotenik; Androiden kode irekiko bertsioa erabiltzen jarraitu ahal izango dute, doakoa baita eta edonork duelako erabiltzeko aukera.

Baina Huawei telefonoek ezingo dituzte eguneratu Android sistema, haren segurtasun neurriak eta hura erabiltzen dituzten aplikazioak. Horrek esan nahi du hilabete gutxiren buruan segurtasun arazoak izan ditzaketela, eta aplikazio askok ongi funtzionatzeari utziko diotela.

Halaber, Huawei telefono berriek ezingo dituzte Googleren aplikazioak instalatu, hala nola Gmail. Google Maps, Play Store eta You Tube.

Huaweik ziurtatu du bere kasara eguneratuko dituela orain funtzionatzen ari diren telefonoak, eta "software ekosistema segurua eta jasangarria" sortzen jarraituko duela.

Txinako Gobernuak babesa eman dio Huaweiri, eta auzitegietara jotzeko aholkatu dio.

Prozesatzailerik gabe

Baina Google ez da Huaweirekiko harremanak hautsi dituen bakarra. Prozesatzaileen egile nagusiek ere AEBetakoak dira —Intel, Qualcomm, Broadcon, Xilinx...— eta dagoeneko jakinarazi dute Huawei hornitzeari utziko diotela.

Bloombergek dioenez, Huaweik bazekien une hori irits zitekeela, eta azken hilabeteetan prozesatzaileak eta beste osagai batzuk pilatzen aritu da. Uste dutenez, bere osagai propioak egin nahi ditu Txinako konpainiak, AEBetako multinazionalen menpeko ez izateko.

Ikusteko dago zer eragin izango duen Trumpen debekuak Europako enpresetan. Alemaniako Gobernuak goizean esan du gaia aztertzen ari dela.

 

 

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Langabeziak behera egin du, baina ia 16.000 lagun gehiago daude erregulazioan

Iker Aranburu

Ostalaritzaren itxierak ABEEak ugaritu ditu, kontratuak gutxitu eta autonomoen prestazio bereziak biderkatu. Emakumeen %14,9 daude lanik gabe, eta gizonen %10,9
ITP Aerok Zamudion duen plantako langileak, mobilizazio bat hasi aurretik. ©ARITZ LOIOLA / FOKU

Tramite hutsa ala leungailua?

Imanol Magro Eizmendi

Aernnova eta PCBko langileei ez diete ezer berririk esan zuzendaritzarekin eginiko bileretan. Enplegu erregulazioak eskatzen dituzten enpresak behartuta daude hilabetez negoziatzera.
Eguraldi goibeleko aroa ez da egokiena terrazetan egoteko. ©GORKA RUBIO / FOKU

Ostalariek ez dute terrazen purgatoriotik igaro nahi tabernak ireki aurretik

Xabier Martin

Zubi ostean zabaltzeko esperantza dute Araba, Bizkai eta Gipuzkoako ostalariek, baina izkin egin nahi diote terrazen fase bati
Bakarrik terraza irekitzeko aukera ez da nahikoa ostalarientzat. ©GORKA RUBIO / FOKU

Ostalariek ez dute terrazen purgatoriotik igaro nahi tabernak ireki ahal izateko

Xabier Martin

Araba, Bizkai eta Gipuzkoako ostalariek zubi ostean irekitzeko esperantza dute, baina izkin egin nahi diote terrazen fase posible bati.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna