Hilberria

Eduard Punset dibulgatzailea hil da, 82 urterekin

Gaixotasun luze baten ondorioz hil da. Familiak eman du haren heriotzaren berri. Zientziari buruzko liburuengatik eta programengatik egin zen ezagun Punset.

Arantxa Elizegi Egilegor -

2019ko maiatzak 22

Zientziari buruzko dibulgazio programek egin zuten ezagun Eduard Punset dibulgatzaile katalana. Ugari izan ziren zientziari lotuta argitaratutako liburuak eta lanak ere. Horren aurretik, baina, Espainiako ministro ere izan zen Punset. Diktadura amaitu osteko lehen urteetan, Europarekiko harremanetarako ministro izan zen, eta, horren aurretik, baita Generalitateko Ekonomia kontseilari ere.

Bartzelonan jaio zen Punset, 1936an, eta Zuzenbidea ikasi zuen Madrilgo Unibertsitate Konplutentsean. Ondoren, Ekonomia Zientziak ikasi zituen Londresen eta Parisen, eta BBCn eta The Economist-en aritu zen kazetari gisa lanean.1996an hasi zuen Espainiako telebista publikoan Redes programa, eta, han, zientzia eta teknologiarekin lotutako gaiak jorratzen zituen. Horrez gain, izen bereko aldizkariaren zuzendari ere bazen, eta Grupo Punset ekoiztetxeko buru.

Familiak eman du gaur haren heriotzaren berri, Twitterren zabaldutako mezu batean. Hor azaltzen dute, Bartzelonan hil dela Punset, 82 urterekin eta gaixotasun luze baten ondorioz. Omenaldi gisa, telebistan eta jendaurrean egindako hainbat agerraldiren irudi bilduma bat egin dute.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna