Tortura

Nekane Txapartegi deklaratzera deitu dute, Espainiak ireki berri dion auzi batengatik

Bilgune Feministak salatu du "jazarpen politikoaren adierazgarri" dela Txapartegiren kasua, eta "justizia patriarkalak tortura sexista babesten" jarraitzen duela. Kide batzuk iheslariari babesa ematera joan dira Suitzara. Iluntzean protesta egingo dute Asteasun.

Nekane Txapartegi, Zurichen, iakoz Maiatzaren Lehenean.
Nekane Txapartegi, Zurichen, iakoz Maiatzaren Lehenean. PATRICK HUERLIMANN / EFE

Hodei Iruretagoiena -

2019ko maiatzak 22

Berriz ere "arrisku egoeran" dago Nekane Txapartegi euskal iheslaria. Bilgune Feministak ohartarazi du beste auzi bat ireki diotela Espainiako Auzitegi Nazionalean, eta azaldu dute deklaratzera joan behar izan duela gaur. "Berriro ere, bere askatasuna eta bere bizitza kolokan ikustera behartua dago", salatu dute: "Jazarpen politikoaren adierazgarri da kasu hau, eta argi erakusten du justizia patriarkalak tortura sexista babesten jarraitzen duela. Ezin da ahaztu Nekanek irmoki salatu dituela tortura sexistak eta espetxearen izaera patriarkal zein sexista".

Zenbait kide Txapartegiri babesa ematera joan dira Suitzara, eta, bideo batean salatu dutenez, "tortura sexistan oinarritua" da orain ireki dioten auzia ere. 18/98 sumarioan epaitu eta zigortu zuten Txapartegi (2009), eta sei urte eta bederatzi hilabeteko zigorra ezarri zion Espainiako Auzitegi Nazionalak. Atxilotzean (1999) torturatu egin zutela salatu zuen Txapartegik. 2016ko apirilean, Suitzan atzeman, eta preso sartu zuten; 2017ko irailean utzi zuten aske. Espainiako Auzitegi Nazionalak preskribatutzat eman zuen hari egotzitako delitua, eta bertan behera gelditu zen haren kontrako estradizioa. Asilo eskaria, ordea, ukatu egin zion Suitzak.

"Hau ez da gure bakea"

"Tortura sexista emakumeonganako indarkeriaren beste adierazpen bat da", nabarmendu du Bilgune Feministak, eta gogora ekarri dute "patriarkatuaren oinarri den sexu bereizkeria iraunaraztera eta indartzera bideratutako indarkeria" dela hori ere. "Hau ez da gure bakea", salatu dute Bilgune Feministako kideek: "Jarraituko dugu bakegintzan eta gatazkaren konponbidean urratsak egiten, espetxe sistemaren inguruko gogoetak egiten, zigor sistemaren birdefinizio bat hauspotzen, (in)justizia patriarkalaren aurrean justizia feminista eraikitzen; eta batez ere, minak zein zauriak sendatzen, erreparatzen, aitortzen. Ez eduki zalantzarik, guk sinisten dizuegu".

Txapartegiren egoera dela eta, elkarretaratze bat egingo dute gaur haren jaioterrian, Asteasun (Gipuzkoa). 19:30ean egingo dute bilkura, Nekane Libre plataformak deituta, Utzi bakean Nekane lelopean.

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Salvador Illa Espainiako Osasun ministroa, atzoko agerraldian. ©CHEMA MOYA / EFE

Jaurlaritzak osasun larrialdia ezarriko du astelehenetik aurrera

Irati Urdalleta Lete - Olatz Esteban Ezkati

Tapia eta Murga sailburuek gaurko agerraldian emango dituzte xehetasunak. Madrilek hartu ditu lehen neurriak, egoera epidemiologikoak okerrera egin duela eta: tabernek 01:00ean itxi beharko dute, eta gauerditik aurrera ezingo da bezero gehiagorik sartu. Kalean erretzea ere debekatuta egongo da, bi metroko tartea bermatu ezin bada.

 ©ARITZ LOIOLA / FOKU

«Martxoko egun zailenetan PCRak orain bezala eginda, 6.000 kasu izango genituen»

Maite Asensio Lozano

Pandemiaren jarraipena egiten ari den lantaldeari esker COVID-19aren transmisioa moteldu egin dela uste du Ignacio Garitano epidemiologoak. Bigarren olatua iritsi dela berretsi du, baina orain askoz positibo gehiago detektatzen direla nabarmendu du.

Bilboko Zorrozgoiti zahar etxeko egoiliar bat, atzo. ©MIGUEL TOÑA / EFE

Etsipena, beldurra eta nekea zahar etxeetan

Aloña Beraza Peña

Zahar etxeetako kutsatzeek gorakada nabarmena izan dute azken asteetan, eta langileak beldur dira ez ote diren itzuliko gaitzaren lehenengo olatuko egoerara. Egoiliarren artean ere kezka da nagusi.

Jendea paseoan Donostiako alde zaharreko kaleetan, atzo. ©Juan Carlos Ruiz/FOKU

618 kasu atzeman dituzte Hego Euskal Herrian

Berria

Bizkaian behera egin dute kasuek; Araban, Gipuzkoan eta Nafarroan, aldiz, igo egin dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna