Albistea entzun

HEZKUNTZA

"Elkargune" izateko xedez, 30 ikastaro eskainiko ditu UEUk ekainean eta uztailean

Elkar Ekin lelopean eginen dituzte 47. udako ikastaroak Iruñean, Baionan eta Eibarren.

UEUko ikastaroen aurkezpena, gaur, Iruñean.
UEUko ikastaroen aurkezpena, gaur, Iruñean. UEU. Tamaina handiagoan ikusi

Ion Orzaiz -

2019ko maiatzak 23

Euskarazko jakintzaren topagune izan nahi du UEUk. Helburu horrekin antolatu dituzte aurtengo udako ikastaroak, iaz bezala, Elkar Ekin lelopean. "UEU ez litzateke posible izango elkarlanik gabe, gure izaeran dago elkargune izatea, eta udako ikastaroek ere hori islatze dute", azaldu du UEUko zuzendari Kepa Sarasolak, udako ikastaldiaren aurkezpenean: "Ikastaro hauek auzolanean antolatzen ditugu pertsona eta erakundeekin, eta elkarlan horretatik ekiten diegu proiektu berriei".

Guztira, 36 jarduera eginen dituzte ekainaren 11tik uztailaren 12ra. Zazpi ikastaro eskainiko dituzte Iruñean, 16 Eibarren, eta beste zazpi Baionan. Hiru horiek izanen dira ikastaroen egoitza nagusiak. Horrez gain, baina, hainbat jarduera osagarri eskainiko dituzte Bilbon (bi jardunaldi), Tolosan (ikastaro bat), Donostian (bi ikastaro), Usurbilen (jardunaldi bat) eta Arizkunen (ikastaro bat).

Gainera, jardunaldi bat antolatu dute Gasteizen, beste bat Usurbilen eta beste bat Donostian. «36 jarduera antolatu ditugu aurten, eta azken urteetan gertatzen ari den bezala, ehundik gora ikastaro proposamen jaso ditugu. Zaila izan da aukeratzea, jasotako ideiak oso onak izan direlako», azaldu du UEUko udako ikastaroen arduradun Irati Iciarrek.

Sei formatutako saioak bildu dituzte egitarauan: ikastaro espezializatuak, dibulgaziokoak, garapen pertsonalekoak, jardunaldiak, hitzaldiak eta tailerrak.

Iaz irekitako bideari jarraituz, Iruñean Ezpeleta jauregian eskainiko dituzte udako ikastaroak, eta Baionan, berriz, Bernat Etxepare lizeoan, barnetegi moduan.

Nafarroako Hezkuntza Departamentuarekin sinatutako hitzarmenari esker, doako hiru ikastaro eginen dituzte Iruñean: Euskararen erabileraren lanketa ikasgelan (ekainak 24-25), Gaitasunetan oinarritutako unitate didaktikoak (ekainak 24-25) eta Harremanak 3.0: gazteen sexualitatearen esku hartzea espazio digitalean (ekainak 25-26).Izena emateko epea zabalik dago, www.ueu.eus webgunean.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Berri Otxoak taldeko kideak, Barakaldoko Udalak duela 30 urte hustutako lokalaren aurrean. ©OSKAR MATXIN EDESA / FOKU

Hiru hamarkada gizarte eskubideen alde lanean

Gotzon Hermosilla

Berri Otxoak gizarte bazterketaren kontrako plataformak 30 urte bete ditu, eta taldearen abiapuntu izan zen lekuan ospatu du urteurrena: 1992ko abuztuaren 12an Barakaldoko Udalak hustutako lokalean.

Indarkeria matxistaren kontrako informazioa, Baionako bestetan. ©P. BELTZAIZ

Talde bortxaketa egotzita, behin-behinean kartzelara

Oihana Teyseyre Koskarat

Baionako bestetan izandako bortxaketaren harira, bi gizon preso sartu dituzte auzia egin arte. Bi gizon zigortu dituzte sexu delituak leporatuta

Girondako suteetak, aste honetan. ©PHILIPPE LOPEZ / POOL

Kontrolpean dute atzo Agurainen piztutako sutea

Berria

Sute bat piztu zen atzo Agurain aldean (Araba), eta kontrolpean hartu dute suhiltzaileek, bart hura itzaltzeko lanetan aritu ondoren. Okzitaniako suteak ez dira gehiago hedatu gauean, eta trafikoa normal dabil Irun aldean. Halere, Akitania Berriko Prefeturak adierazi du sutea hedatzeko arriskua «oso handia» dela oraindik.

Istripua izan den tokia. Oinezkoak ezkerretik eskuinerantz zeharkatzen ari ziren errepidea, zebra bidean ©Iruñeko Udaltzaingoa @PamplonaIrunaPM

82 urteko emakume bat hil da Iruñean, auto batek harrapatuta

Berria

Vergel zubian izan da ezbeharra, oinezkoentzako pasabide batean, Iruñeko Udaltzaingoak jakinarazi duenez. Emakumearekin zihoan gizonezkoa larri dago

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.