Albistea entzun

"Ekofeminismoan sakontzera" deitu dute Gladys del Estalen hilketaren 40. urtemugan

1979ko ekainaren 3an hil zuten 23 urteko militante ekologista, eta orduko aldarrikapenak oraindik ere "indarrean" daudela nabarmendu dute Gladys Gogoan eta Eguzki taldeek. Bardeako tiro eremua ixteko eskatuko dute, besteak beste.

Del Estalen hilketaren 40. urteurreneko ekitaldien aurkezpena, gaur, Donostian.
Del Estalen hilketaren 40. urteurreneko ekitaldien aurkezpena, gaur, Donostian. Gladys Gogoan. Tamaina handiagoan ikusi

Hodei Iruretagoiena -

2019ko maiatzak 23

"Gladys del Estalen oroimenak, paradoxikoki bizia defendatzearren hil zen emakume gazte baten memoria horrek, ekofeminismoaren balioak aitortzera eta sakontzera deitzen digu, energia nuklearrik eta armarik gabeko bizitza aldarrikatuz". Hala dio Gladys del Estalen hilketaren 40. urteurrenerako Gladys Gogoan plataformak eta Eguzki talde ekologistak prestatu duten adierazpenak. 1979ko ekainaren 3an, Tuteran (Nafarroa) egindako martxa batean hil zuen Guardia Zibilak Del Estal; Ingurumenaren Nazioarteko Eguna zen, eta tiro bat jo zioten buruan. Jose Martinez Salas guardia zibila 18 hilabetera zigortu zuten, baina zigorra baino, saria jaso zuen: bi domina eman zizkioten, 1982an bat, eta 1992an bigarrena.

Zentral nuklear baten proiektua eta Bardeako tiro eremua gelditzea galdegina zuten ordurako Tutera eta inguruko herrietako alkateek. "Aldarrikapen haiek indarrean darraite", nabarmendu dute urteurren ekitaldien antolatzaileek, Donostian egindako agerraldian. "Garoñako zentral nuklearra itxi den arren,  instalazioetan hondakin erradioaktiboetarako ontzi bat eraikitzen ari dira", gogorarazi dute. Bardeako tiro eremua ere martxan da oraindik, Tuterako Udalak eta Nafarroako Gobernuak hainbatetan aurkako jarrera agertu arren.

"Egin dituen akatsak aitortzeko eta konponbidea jartzeko [Espainiako] Estatuak duen interes faltak, testigantza faltsuak, epai injustuak eta botere judizialaren eta polizialaren arteko konnibentziak, Gladysen oroimena mantentzera bultzatzen gaitu", jaso dute 40. urteurreneko adierazpenean. "Gladysi ezin diote bizia itzuli, baina posiblea da aldarrikatu zituen helburuak lortzea [...] Adierazpen honekin bat gatozenok dei egiten dugu indarrak batzera eta sen onarekin jokatzera eskaera hauek egia bihur daitezen".

Egitarau zabala

Adierazpena ezagutzera eman eta Del Estalen hilketa oroitzeko, ekitaldi bat baino gehiago egingo dituzte. Donostian, ekainaren 1ean egingo dute omenaldia Gladys Enea parkean, bizikleta martxa baten ondoren. Ondoren, bazkaria izango da Egia auzoan. Ekainaren 2rako, berriz, Bardeara martxa prestatu dute, eta beste omenaldi ere egingo dute Tuteran.

Ekainaren 3an, berriz, erakusketa bat zabalduko dute EHUren Informatika fakultatean, Donostian —hilaren 15era arte egongo da ikusgai—. Amaitzeko, Gladys Gogoan izeneko ekitaldia egingo dute Koldo Mitxelena kulturunean, 19:00etan.

 

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Argia sariak jaso zituztenak, atzo, Usurbilgo Atxega jauregian. ©ANDONI CANELLADA / FOKU

Argia sariak, Azterketak Euskaraz-i eta Oihana Goirienari

Irati Urdalleta Lete

'Karpeta urdinak', Zugazart, '(Min)bizi' eta Euskal Mastodon komunitatea ere saritu dituzte
<em>Aita Mari</em> ontzia Pasaiako portuan (Gipuzkoa), 2020ko uztailean. ©IDOIA ZABALETA / FOKU

'Aita Mari' ontziari milioi bat euroko isuna jarri dio Espainiako Gobernuak

Isabel Jaurena Edurne Begiristain

Zigorrak lotura du 2020an Palermon gertatu ziren ekintza batzuekin. Itsas Salbamendu Humanitarioak alegazioak aurkeztuko ditu
 ©MARISOL RAMIREZ / @FOKU

Kontrol telematikoa hobetu beharra

Maite Asensio Lozano

Tratu txarrak ematen dituzten gizonei eskumuturreko telematikoa jartzea maizago eskatuko dute poliziek eta fiskalek, baina gailu horien nahi gabeko ondorioek kezka piztu dute eragileen eta biktima taldeen artean.
 ©BERRRIA / BERRIA

«Zergatik egon behar dut nik kontrolpean?»

M. Asensio Lozano

Manuelaren senar ohiak eskumuturrekoa darama. Gizonak maiz uzten du gailua kargatu gabe, eta, alarmak etengabe jotzearen ondorioz, antsietate arazoekin dabil emakumea.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...