Irlanda

Dibortzioa erraztearen alde bozkatu dute irlandarrek

Irlandako Errepublikako herritarren %82 dibortzio legea arintzearen alde agertu da.

Emakume bat, herenegun, botoa ematen. EFE

2019ko maiatzak 26

Irlandako Errepublikan dibortzioa errazteari buruzko erreferenduma egin zuten herenegun. Dibortzioa 1995az geroztik da legezkoa, eta, egungo legediaren arabera, bikote bat legez banantzen da azken bost urteetako lau bananduta bizi izan badituzte.

Baiezkoak irabazi duenez, denbora tarte hori bi urtera jaitsiko dute, gobernuak jakinarazi duenez, eta epe horri buruzko erreferentzia kenduko lukete konstituziotik; Leo Varadkar lehen ministroarentzat, aldaketa horien helburua da "tentsio emozionalak eta ekonomikoak" arintzea.

Herritarrek abortuaren legea arindu zuten iaz, erreferendum bidez, eta 2015ean sexu bereko pertsonen arteko ezkontza legeztatzearen alde agertu ziren.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna