Noiz sortua: 2019-05-30 12:03:08

Panama 0-0 Euskal selekzioa

Hutsean berdindu du euskal selekzioak Panaman

Javier Clemente hautatzailea pozik agertu da jokalariek zelaian izan duten jarrerarekin. Neurketa "orekatua" izan da, bere esanetan.

Hutsean berdindu du euskal selekzioak Panaman
Hutsean berdindu du euskal selekzioak Panaman

Berria -

2019ko maiatzak 30

Panama Hiriko Rommel Fernandez estadioan jokatu du bart euskal selekzioak bertako selekzioaren aurka, eta berdinketarekin itzuliko da Euskal Herrira. Golik gabeko partida izan da, "orekatua", Javier Clemente hautatzailearen esanetan. Bi taldeetako batek ere ez du gol aukera garbirik sortu.

Clemente pozik agertu da jokalariek zelaian izan duten jarrerarekin. Panama selekzio mundialista dela nabarmendu du, eta ahal fisiko handikoa dela. Aurkariez gain, euskal selekzioko jokalariek bero eta hezetasun handiari ere aurre egin behar izan diote. Gaineratu duenez, bidaia luzea egin ondoren taldeak ez du baldintzetara egokitzeko tarte handirik izan. Hala ere, Panamarentzako "aurkari ona" izan da euskal selekzioa, Clementeren esanetan.

Partida hasieran, honakoa izan da euskal selekzioaren hamaikakoa: Herrerin; Aihen, Balentziaga, Martinez, Elustondo, Bustintza; Eraso, San Jose, Manu Garcia, Larrazabal; Aduriz. Bigarren zatian, Herrerinen tokia hartu du Aitor Fernandezek, Villalibrek Adurizena, Iñigo Vicentek Aihen Muñozena, eta Aresok Larrazabalena.

Clementek nabarmendu duenez, talde "gaztea" zelairatu du. Adierazi du gisa horretako partidak interesagarriak direla euskal selekzioarentzako, oraindik esperientzia handia ez duten jokalariak zailtzeko, eta urte batzuen buruan taldearen maila handitu eta jokalari gehiago izateko.

Aritz Elustondoren esanetan, berdinketa "ez da emaitza txarra", baldintzak kontuan hartuta. "Borroka egin dugu", adierazi du. "Saiatu gara gola sartzen garaipena lortzeko".

Panamak Amerika Kopa prestatzeko baliatu du euskal selekzioaren kontrako neurketa.

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 29an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan lau pertsona hil dira COVID-19 gaitzaren eraginez, 22 positibo atzeman dituzte PCR probekin, eta bi gaixo ospitaleratu dituzte. Euskal Herrian 29.107 gaixok eman dute positibo guztira, koronabirusa atzemateko probaren bat eginda. Horietatik 2.056 hil dira. Grafikoak, albiste barruan.

Iñigo Urkullu eta Nekane Murga, goizeko bileran. ©/ Irekia

Ekainaren 8an hirugarren fasera igarotzeko eskatuko du bihar Jaurlaritzak

Jon O. Urain

Nafarroako Gobernuak «oso balorazio positiboa» egin du erkidegoek konfinamendua leuntzeko hirugarren fasea kudeatzeko aukeraz.

Aitor Esteban eta Salvador Illa, Kongresuan. / ©Ballesteros, EFE

Erkidegoek kudeatuko dute hirugarren fasea

Jon Ordoñez Garmendia

Alarma egoera luzatzeko akordioa egin dute Espainiako Gobernuak eta EAJk, eta horren truke Urkulluk eta Txibitek hartu, kendu, moldatu eta ezarriko dituzte alarma egoeratik ateratzeko neurriak hirugarren fasean Hego Euskal Herrian. ERCrekin ere egin du akordioa Madrilek. Jaurlaritzak bihar eskatuko du ekainaren 8an hirugarren fasean sartzea.

 ©BERRIA

Kulturgintza: eutsi ala hautsi

Iñigo Astiz

Koronabirusaren hedapenak ziurgabetasun handia eragin du aurrez ere prekaritateak gogor jotako sektore batean: kulturgintzan. Sorkuntza ere krisi honi aurre egiteko moduan dagoen jakiteko, lau sortzaile elkarteren zuzendaritzako kideak bildu ditu BERRIAk: Eneritz Artetxe (Ehaze), Garbiñe Ubeda (Euskal Idazleen Elkartea), Aitor Bengoetxea (Musika Bulegoa) eta Igor Elortza (Euskal Herriko Bertsozale Elkartea).

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna