Albistea entzun

Emakumeak protagonista Nafarroako Orkestra Sinfonikoaren sasoi berrian

NOSek askotariko estiloko obrak interpretatuko ditu, eta Baluarte Fundazioaren eskaintzan dantza ikuskizunak izango dira nagusi.

Felix Palomero Baluarte Fundazioko gerentea, Ana Herrera Nafarroako Gobernuko Kultura kontseilaria, Raquel Andueza artista eta Manuel Hernandez-Silva NOSeko zuzendaria, Baluarte Fundazioaren sasoi berriaren aurkezpenean.
Felix Palomero Baluarte Fundazioko gerentea, Ana Herrera Nafarroako Gobernuko Kultura kontseilaria, Raquel Andueza artista eta Manuel Hernandez-Silva NOSeko zuzendaria, Baluarte Fundazioaren sasoi berriaren aurkezpenean. Jagoba Manterola / FOKU

Ane Eslava -

2019ko maiatzak 30 13:46

Nafarroako Orkestra Sinfonikoak eta Baluarte Fundazioak 2019-2020 denboraldia aurkeztu dute gaur goizean; elkarlanean antolatu duten hirugarrena. Hamalau orkestra programa eta beste hainbeste musika, lirika eta dantza ikuskizun eskainiko dituzte irailetik aurrera. Emakumea izango da protagonista orkestraren zein fundazioaren ikuskizunetan, Manuel Hernandez-Silva orkestrako zuzendariak adierazi duenez: "Ez daude hemen emakumeak izateagatik, sekulako artistak izateagatik baizik: artista unibertsalak". Felix Palomero Baluarte Fundazioko gerenteak, berriz, nabarmendu du orkestrak lurraldean duen tokia indartu nahi dutela, bai eta gizartearen interesei erantzun ere.

Koloreak goiburupean dator NOSen denboraldi berria, "orkestraren atrilak kolorez bete" nahi dituztelako, Hernandez-Silvak esan duen moduan: "Orkestraren ohiko errepertorio klasiko eta erromantikoaz gain, bestelako soinuak txertatu nahi ditut, orkestra gehiago hazi dadin". Horretarako, tokia egin diete Frantziako, Espainiako eta Latinoamerikako musikei. Halere, soinu berriak txertatzeaz gain, orkestrak azken hiru urteetan programatu duen Beethovenen sinfonien interpretazioa burutuko du aurten. Zuzendariak azaldu duenez, garrantzi berezia eman diote ondarearen berreskurapenari; horregatik, Lorenzo Ondarra musikagile nafarraren Te Deum pieza eta Emiliana Zubeldiaren bigarren pianorako kontzertua berreskuratuko dituzte. Zubeldiaren obraren presentziak eta Teresa Catalan musikagile iruindarrak estreinatuko duen El canto de atenea piezak erakusten dute NOSen programazioan emakumeei eman nahi izan dieten garrantzia, Hernandez-Silvaren hitzetan. Era berean, Alondra de la Parra zuzendariak debuta egingo du orkestrarekin, eta Raquel Andueza soprano nafarra egoitzan egongo da Baluarten.

Baluarte Fundazioaren programazioan, berriz, dantza izango da protagonista nagusia: programatu dituzten hamalau jardueretatik zazpi dantza ikuskizunak dira. Askotariko estiloak nahastuko dira, gainera: dantza klasikoa egongo da Espainiako Dantza Konpainiaren Don Quijote lanarekin; garaikidea, Blanca Li konpainiaren Solstice lanarekin eta Antonio Ruizen Electra-rekin, eta antzerki musikatua, berriz, Leonard Wernsteinen West Side Story-rekin. Gainera, Portoko Quorum Ballet taldeak fadoari eskainitako ekoizpen bat aurkeztuko du, eta estiloen fusioa ere egongo da Gurumbé, las raíces negras obran; Arcangel flamenko kantaria, Patricia Guerrero flamenko dantzaria eta Accademia del Piacere taldea ariko dira elkarrekin.

Lirikaren esparruan ere eskaintza zabala egongo da. Vicenzo Belliniren Norma lana ikusi ahal izango da lehenbizikoz, Gabrieli Consort & Players taldeak Henry Purcellen King Arthur "erdiopera" interpretatuko du, eta The English Concertek, berriz, Georg Friedrich Haendelen Rodelinda. Bestalde, Ainhoa Arteta sopranoak gala bat eskainiko du, eta Raquel Anduezak kontzertu bat, hainbat lagunekin batera. Nazioarteko bi pianista ere ariko dira Baluarte Fundazioaren ikasturte berrian: Arcadi Volodos eta Mitsuko Uchida. Eskaintza sinfonikoa osatzeko, Mariinski Antzokiko Orkestra eta Valeri Guerguiev ariko dira Iruñeko Orfeoiarekin elkarlanean. Mariinskik eta Iruñeko Orfeoiak interpretatuko dute Sergei Prokofievek Ivan Izugarria filmerako sortu zuen musika.

Azkenik, Baluarte Camara programan ahotsean oinarritutako lau ikuskizun eskainiko dituzte, eta Baluarte Txikin, berriz, sei obra, euskaraz eta gaztelaniaz. NOSen zein Baluarte Fundazioaren programak osorik ikus daitezke Baluarteren webgunean.

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Oteizaren hitzaldiari adi, Artze zutabean bermatuta. Argazkian dira baita ere Mendiburu, Ramos ahizpak, Ugarte eta Amable Arias. ©ARTURO DELGADO / KUTXATEKA

Manifestuaren garrantzia gaur

Gorka Arrese

Juan Pablo Huercanosen 'Gaur taldea. Artea eta eraikuntza kolektiboa' liburua argitaratu du Oteiza museoak. 1966an egindako erakusketaren katalogoaren faksimilea ere badakar gehigarri gisa

Oteiza museoaren hiru argazki, Maria Jose Gurbindo artistaren erakusketan. ©IDOIA ZABALETA / FOKU

Obra eta museoa, interakzioan

Ane Eslava

Maria Jose Gurbindo argazkilariak Oteiza museoaren interpretazio pertsonal bat egin du 'Ibidem. Oteiza Museoa' izeneko erakusketan. Eskultura bat balitz bezala landu du eraikina bera. Iruñeko Ziudadelan dago ikusgai

 ©JAIZKI FONTANEDA / FOKU

«Epe motzeko memoria ez izateak ahalbidetu digu esperimentatzea»

Aitor Biain

Elorregik uste du Araban bertsoarekiko tradizioan eten bat izateak «konplexurik gabe» aritu eta molde berriak sortzen lagundu dietela. Horren adibide dira kuadrilla artekoa eta binakako txapelketa berria.
Mariasun Landa, artxiboko argazki batean, iaz. Saria banatu eta manifestu bat irakurriko du. ©ARITZ LOIOLA / FOKU

Lizardi literatur sari eraberritua aurkeztuko dute bihar Zarautzen

Ane Eslava

Mariasun Landak emango dio 39. saria Yolanda Larreategiri. 40.aren aldaketak azalduko dituzte

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna