Euskal presoak

Josu Urrutikoetxea aske uzteko eskatu du intelektual talde batek

Urrutikoetxearen atxiloketa "albiste txarra" dela diote agirian, eta euskal gatazkaren konponbiderako euskal presoaren lana "ezinbestekoa" izan dela diote. Besteak beste, Alain Badiou idazle eta filosofo frantsesak eta Antonio Negri filosofo italiarrak sinatu dute adierazpena.

Josu Urrutikoetxearen aldeko mobilizazio, orain bi aste, Ugaon
Josu Urrutikoetxearen aldeko mobilizazio, orain bi aste, Ugaon Aritz Loiola / Foku

Maider Galardi F. Agirre -

2019ko maiatzak 30

Liberation egunkarian argitaratutako adierazpenean, Urrutikoetxearen ibilbide militantearen berri ematen dute, eta Espainiako eta Frantziako gobernuekin izandako negoziazioetan Urrutikoetxeak izandako eragina ere jartzen dute mahai gainean. Gainera, Euskal Herrian "inoiz ikusi gabeko" bake prozesu bat izan dela azpimarratzen dute filosofo eta idazleek: "Harritu egiten du alde bakarreko prozesuak".

Horregatik, Urrutikoetxeak jokatutako rola beste lider batzuk bestelako gatazka batzuetan izandakoekin alderatzen dute: "Hego Afrikan apartheida abolitu zenean, pentsatuko ahal genuen etorkizuneko Bakearen Nobela, Nelson Mandela, espetxera eramango zutela? Pentsatzekoa al da Ipar Irlandako Ostiral Santuko akordioaren ondoren Gerry Adams atxilotzea?". Sinatzaileen ustez, "ezin ulertzekoa" da Urrutikoetxeak "gatazka armatua amaitzeko egindako lanaren" ostean, "mespretxua eta errepresioa" jasatea.

Ondorioz, Frantziari eskatu diote "espazio politiko bat" irekitzeko, Urrutikoetxea espetxeratu dezaten eragozteko "etorkizunera begira bakearen eraikuntzarako ezinbestekoa" izan baita. Agiriaren bost sinatzaileak dira: Alain Badiou, Etienne Balibar, Jean-Luc Nancy, Antonio Negri, Jacques Rancière eta Thomas Lacoste.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Bi pertsona maskarak soinean daramatzatela, autobusean. ©JUAN CARLOS RUIZ / FOKU

Lau gako asintomatikotasunaz

Arantxa Iraola

Kutsatu guztiek ez dituzte izaten sintomak. Adituek diote COVID-19an positibo emandakoen erdiek-edo, birusa izan arren, ez dutela batere sintomarik. Horrek zaildu egiten du izurriaren kontrola.

Ikasgela huts bat, artxiboko irudi batean. ©Jon Urbe, FOKU

Beste hamabost ikasgela itxi ditu Jaurlaritzak

Uxue Rey Gorraiz

Eusko Jaurlaritzak esan du 280 ikasgela daudela bakartuta Arabako, Bizkaiko eta Gipuzkoako hezkuntza sisteman, pandemiarengatik.

Sindikatuek jantoki zerbitzua bermatzeko egindako elkarretaratze bat, artxiboko irudian ©luis jauregialtzo / foku

Hezkuntza Sailak 630 langile kontratatu ditu jantokietarako

Irati Urdalleta Lete

EHIGEren iritziz, ez da nahikoa Arabako, Bizkaiako eta Gipuzkoako eskola publikoetako jantokietarako 630 langile kontratatzea. Hezkuntza Sailak ez du jardunaldi jarraitua ezarriko Haur Hezkuntzako eta lehen Hezkuntzako ikasleentzat.

PCR probak, Urdulizko ospitalean. ©Aritz Loiola, FOKU

Positibo gutxiago atzeman dira

Uxue Rey Gorraiz

Beste 679 detektatu dituzte Hego Euskal Herrian, eta apaldu egin da ospitaleratuen kopurua: 42 lagun sartu dituzte erietxean azken egunean. 72 gaixo daude ZIUetan. Gizonezko bat hil da Nafarroan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna