Aste hasieran desagertu zen 74 urteko Gumersinda M.R. Iruñeko tren geltokian ikusi zuten azkenengoz emakumezkoa bere txakurrarekin. Geroztik haren bila ibili dira segurtasun indarrak eta Nafarroako Suhiltzaileak, batez ere geltoki inguruetan.
Hain zuzen ere bart gauean, geltoki inguruetan gelditutako bagoneta baten atzean emakume baten gorpua aurkitu dute suhilzaileek, eta desagertutako emakumezkoarena izan daitekeela uste dute segurtasun indarrek. Emakumearen txakurra, gorpuaren aldamenean aurkitu dute, bizirik.
Auzitegi medikuek aztertuko dute orain hilotza, heriotzaren arrazoiak jakin eta haren nortasuna argitzeko.