Ikus-entzunezkoak

Abian da 2deo, euskarazko ikus-entzunezkoen laborategia

Donostiako Tabakaleran hartu du egoitza, eta ikus-entzunezkoen alorrean euskarazko eskaintza zein kontsumoa indartzea izango du xede; esperimentazioaren bidetik eta sektorearekin elkarlanean.

2deo laborategiaren barruko 'coworking' gunearen irudi bat.
2deo laborategiaren barruko 'coworking' gunearen irudi bat. Gorka Rubio / Foku

Itziar Ugarte Irizar -

2019ko maiatzak 31

Euskal Herriko Unibertsitateak nerabeen ikus-entzunezkoen kontsumo ohiturei buruz egindako ikerketa bat da proiektuaren abiapuntuetako bat. Datu kezkagarriak azalarazi zituen: hamar edukietatik bi baino ez direla euskaraz gazteen artean. Hori horrela, sektorearekin batera egindako prozesu parte hartzaile bat jarri zen martxan, Amaia Pavon Mondragon Unibertsitateko ikerlariak eta Iban Arantzabal Goiena komunikazio taldeko zuzendariak gidatua, eta hortik sortu da 2deo. "Sektoreari entzun ostean eta gabeziak mahai gaineratu ondoren sortu da", azpimarratu du Arantzabalek. Gipuzkoako Foru Aldundiak bultzatu du proiektua, Etorkizuna eraikiz programaren barruan.

Denera, 500 metro karratu inguru hartuko ditu laborategiak. Instalazio zentral bat du erdigunean, zeinak bi "harmaila" dituen alde banatan, bakoitzaren aurrean proiekzioak, tailerrak eta bestelako ekintzak egin ahal izateko. Bien artean, gainaldean, elkargunerako espazio bat prestatu dute, laborategian lanean arituko diren eragileak gurutzatzeko pentsatu dutena. 2deoko lan taldea ere bertan egongo da, haiei laguntzeko. Haren azpian coworking gune bat atondu dute, 18 posturekin; erdiak ordenagailu guztiz ekipatuak dira, eta beste erdiak norberak bere ordenagailuari konektatzeko pantailak. Denak sistema zentral batera konektaturik egongo dira, eta, modu horretan, toki bat baino gehiagotik egin ahalko da lan proiektu beraren gainean.

Beste espazio bat zabaltzen da instalazio zentral horren ondoan, hiru gela dituena. Edizio gelak dira horietako bi, eta "antzokia" deitu dutena da hirugarrena; puntako soinu-ekipamenduarekin eta pantaila handi samar batekin, edukiak elkarbanatzeko eta saltzeko gela izango da.

Markel Olano jarduneko Gipuzkoako ahaldun nagusiak "estrategikotzat" jo du proiektua, gaur goizean egindako ate irekieran. Bi ideia nabarmendu ditu: sektoreak agertutako beharra, eta ikuspegi ekonomikotik izan dezakeen garrantzia. Nerabe ugarik euskara eskola eremuarekin lotzen dutela ere aipatu du, kezkaz, eta 2deo haien artean hizkuntzaren erabilera indartzeko "bokazioa" duen proiektua dela azpimarratu.

85 proiektu aurkeztu ziren iaz 2deora, eta horietatik 23 martxan dira jada laborategian. Bi aste barru zabalduko dute proiektu berriak aurkezteko deialdi publikoa. Hori izango da 2deora sartzeko moduetako bat. Bestea, nazioartean mugitzen diren behatzaile talde baten esku izango da; Euskal Herrira ekar daitezkeen proiektuak ikusiz gero, proposamenak egingo dizkiote 2deoko lan taldeari.

Edurne Ormazabal Tabakalerako zuzendari nagusiak azaldu du, euskarazko ikus-entzunezkoen kontsumoa indartzea helburu "zaila" dela, baina horretarako testuinguru aproposena dela Tabakalerakoa. Bertan dauden erakundeak lagun izango dituelako 2deok: Zineuskadi, Donostiako Zinemaldia, Euskadiko Filmategia eta Elias Querejeta Zine Eskola, horien artean.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Bi erizain, Galdakaoko ospitalean (Bizkaia) maiatzaren 6an, 55 egun gaixorik zeramatzan gizon bat sendatu zela ospatzen. ©ANDONI LUBAKI / FOKU

Koronabirusaren lehen kolpea Euskal Herrian: 2.152 hildako lau hilabetean

Mikel P. Ansa

Martxoaren 1etik ekainaren 30era, lau hilabete. Neguaren azken hondarra, eta udaberri guztia. Koronabirusaren pandemiak hankaz gora jarri du Euskal Herria, eta bizimoduak astindu ditu. Pandemiaren lehen olatuaren balantzea egin du BERRIAk, hamazazpi grafiko eta hamazazpi galdera hauekin.

Beste 11 positibo zenbatu dituzte Ordiziako kasuen oldarraldiari lotuta

Beste 11 positibo zenbatu dituzte Ordiziako kasuen oldarraldiari lotuta

Arantxa Iraola

Denera 69 kasu daude lotuta positibo multzo horrekin; Tuterakoekin, berriz, 31

Gasteizko Mendizorrotza igerilekuak pandemia garaiko udarako prestatzen. Irudian, langile bat belardian markak egiten. ©Raul Bogajo / Foku

Positibo bat Gasteizko gimnasio batean, eta beste bat Baionako erietxe batean

Edu Lartzanguren

Baionako Belharra erietxean kasu bat topatu dute, eta ikerketa zabal bat jarri dute martxan jatorria argitzeko. Zirujau bat kanpoan kutsatu dela uste dute.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna