Collarada mendiko igarobide elurtu batean labaindu, eta hil egin zen atzo Ermuko (Bizkaia) mendizale bat, Pirinioetan, Huescan (Espainia). 49 urteko gizonezko bat zen.
Harekin batera mendian zihoan kidea ere larri zauritu zen istripuan, eta Zaragozako (Espainia) erietxe batera eraman behar izan zuten. Efe agentziaren arabera, euskal herritarra da mendizale hori ere. Erreskate lanetan parte hartu dutenen arabera, biak ere ondo prestatuta zihoazen, material egokiarekin, baina irrist egin zuten, 300 metro erori ziren, eta elurretan geratu ziren.
Hildakoaren hilotza Huescara eraman zuten, auzitegi medikuek autopsia egin diezaioten.