Lan gatazkak

Bizkaiko metalgintzako greban gora egin du parte hartzeak

ELAk, CCOOk, LABek eta UGTk deituta, milaka lagun elkartu dira BECen aurrean.

Manifestariak, BEC parean, Barakaldon. /
Manifestariak, BEC parean, Barakaldon. / Luis Jauregialtzo / Foku

Iker Aranburu -

2019ko ekainak 6

Sindikatuek ziurtatu dutenez, parte hartzea "%85 ingurukoa" izan da grebaren bigarren egunean. Aurrekoan, maiatzaren 23an, Bizkaiko metalgintzako enpresen %70-80 artean izan zen lanuztea, baina FVEM patronalak %26ra jaitsi zuen parte hartzea.

Grebak bihar jarraituko du, eta sindikatuek manifestazio bat egingo dute Bilbo erdialdean.

Gaur, berriz, Barakaldoko BEC erakustazokan batu dira grebalariak, +Industry azokaren azken eguna egiten ari direlako han.

Hedabideei egindako adierazpenetan, Mikel Etxebarria ELAko ordezkariak ziurtatu du "greba handia" izaten ari dela, eta jarraipen oso berdintsua izaten ari dela sektoreko enpresa guztietan. "Bizkaiko erreferentziazko enpresak gelditzen ari dira", eta haien artean aipatu du Petronor. Etxebarriaren datuen arabera, findegiak azpikontratatzen dituen 3.000 langileak "ez dira lanean sartzen ari".

Lan hitzarmena berritzeko negoziazioek ez atzera ez aurrera jarraitzen dute Bizkaiko metalgintzan. Hogei bider elkartu dira alde biak, baina oraindik ez da ezer lortu. Lau sindikatu nagusiek —ELA, LAB, CCOO eta UGT— plataforma bateratu bat eratu zuten maiatzean proposamen bateratuak eramateko mahaira, baina akordiorik ez dute lortu FVEM patronalarekin.

Hurrengo bilera hilaren 17rako dute bi aldeek. Sindikatuek gaur ohartarazi dutenez, FVEMek ez baditu haien eskaerak onartzen hilaren 20an eta 21ean ere greba egingo dute. Azken bileran, astelehenean, patronalak "jarrera probokatzailea" izan zuela ziurtatu du Etxebarriak, duela sei hilabete baino baldintza kaskarragoak eskaini zituelako.

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Kezka adierazi dute lehen arretako hainbat langilek. Argazkian, Bilboko Areilza anbulatorioa. ©ARITZ LOIOLA / FOKU

«Osasun sistemak eztanda egingo du»

Maialen Arteaga

Lehen arretako zentroen estutasunak azaleratu ditu COVID-19ak, eta aspaldiko aldarriak hauspotu ditu. Pandemiaren «bigarren olatua» iritsi dela aitortu du Eusko Jaurlaritzak, baina osasun etxeetan langileen erdiekin eta «lan gainkargarekin» dabiltzala salatu dute.

Bizkaiko zahar etxe bateko egoiliarrak artxiboko irudian. ©Marisol Ramirez/FOKU

Hemezortzi kasu atzeman dituzte Zamudioko zahar etxe batean

Berria

Donostiako eta Bilboko bi zahar etxeetan ere positiboak izan dira.

San Mames zelaia hutsik, Athleticen eta Leganesen arteko partidan, uztailaren 16an. ©Marisol Ramirez / Foku

Beste zazpi positibo euskal taldeen artean

Berria

Athleticen sei jokalarik eman dute positibo, eta Osasunan, berriz, Jagoba Arrasate entrenatzaileak. Alaveseko hiru jokalariri ere detektatu diete COVID-19 gaitza.

PCR probak egin dizkiete Donostiako Ramuntxo Berri tabernan izandakoei. ©Gorka Rubio / FOKU

Beste 505 positibo izan dira Hego Euskal Herrian

Berria

COVID-19a zuten zazpi pertsona hil dira azken astean Araban, Bizkaian eta Gipuzkoan. Probak egingo dizkiete Nafarroako egoiliar guztiei irailean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna