Mendebaldeko Sahara

Paramilitarrek hiru saharar jipoitu dituzte, preso politiko bati harrera egitea galarazteko

Salah Lebsir kazetariak lau urte egin ditu espetxean, eta atzo heldu zen Smarara. Marokok segurtasun neurri bereziak ezarriak zituen, harrera eragozteko.

Arantxa Elizegi Egilegor -

2019ko ekainak 9

Larunbat arratsadean heldu zen Salah Lebsir kazetaria Smarara (Mendebaldeko Sahara) lau urtez preso egon ostean. Marokok aurrez polizia operazio berezia prestatua zuen preso politiko izandakoari harrera egin ez ziezaioten. Helburu horrekin, kontrol neurri zorrotzak jarri zituzten hiriko sarrrea-irteeraetan eta Lebsir beraren etxe inguruan. 

Kazetaria beste bi sahararrek lagunduta heldu zen Smarara, baina ordurako zain zituen Marokoko paramilitarrak. Equpe Media komunikazio taldeak zabaldu dituen irudietan ikus daitekeenez paramilitarrek izugarrizko jipoia eman zieten hirurei. 

Lebsir duela lau urte espetxeratu zuen Rabatek, eta atxilotuta egin zen denboran torturak eta tratu txarrak salatu zituen. Espetxealdiak iraun zuen denboran hainbat gose greba egin zituen bere giza eskubideak errespeta zitzaten eskatzeko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna