Urrutikoetxea 20 - 22 Irribarria

Bigarren txapela eskuratu du Irribarriak

Jokoa erabakita joan da Urrutikoetxea finalera, eta baita min handia egin ere sakearekin. Baina partida erditik aurrera zehatzago aritu da Aramakoa, eta horri esker eskuratu du txapela.

Foku

Imanol Magro Eizmendi -

2019ko ekainak 10

Partida hasi aurreko apustuak nahiko parekatuak egon arren, Iker Irribarria zen faborito ikusleen artean. Apustuak apustu, baina, Mikel Urrutikoetxea aurretik joan da lehen tantoetan, nahiz eta Irribarriak hirutan berdindu markagailuan. 4-5ekora heldu direnean aurreratu da lehen aldiz Aramakoa. 

Fresko hasi du partida Irribarriak, baina garesti ordaindu ditu egindako hutsak: 4-7 irabazten zihoan, baina 12-7 galtzen joan da gero. Aldiz, Urrutikoetxea asmatzen ari da sake mota ezberdinak tartekatuz: zabalean, oinetara, luze ezker-eskuin, eta 8-0eko partziala egin dio. Asmatu ezinik. Hala ibili da Aramakoa partida hasieran. 

Partida erdiko langara heldu denean berpiztu da nolabait Irribarria, eta aldea nabarmen murriztu du, bi tantora hurbilduz. Baina Urrutikoetxeak ahal izan duenean sakez ekin dio erasoari, eta bost tantoren tartea atera dio (15-10). Ezinean eta bere buruarekin haserre aritu da Irribarria.

Baina tantaka-tantaka eta ahalegin izugarria eginez, markagailuan gora egitea lortu du Irribarriak, eta 15na berdindu dute biek. Hasieran baino zehatzago aritu da erditik aurrera; izan ere, Irribarriaren kolpearen aldagaia inoiz ezin da aurreikusi, eta horri esker eraman du bigarren txapela ere. 

Pozik geratu da Irribarria bera egindako lanarekin, nahiz eta aitortu lehen zatian itsututa aritu dela eta ondorioz huts ugari egin dituela. "Finalak bi une erabakigarri izan ditu, 12-7koa eta 15-10ekoa. Galtzen joateak gauzak garbiago ikusten utzi dit. Tarte horretan sakearekin asmatu dut". Markagailuan aurretik joateak, hala ere, lasaitu egin du aramarra, eta, behin txapela irabazita, argi izan du nori eskaini hura: "Familiarentzat da txapel hau, une txarretan aguantatzen nauelako. Azken bi urteetan asko egon direlako". 

Iker Irribarria, historiara pasatuko den jotzaile bat. 23 urte bete gabea, eta dagoeneko bigarrenez buruz buruko txapeldun. Mikel Urrutikoetxeak ere meritu handia du. Kolpean alde handia egon arren, asko estutu du Irribarria.

Hala ere, galdu izanaren zapore garratzarekin geratu da Zaratamokoa. "Nola ez naiz, ba, triste egongo! Aurreko finala 22-21 galdu nuen, eta gaur txapel garrantzitsuenetik bi tantora gelditu naiz. Baina duela urtebete nola nengoen ikusita, gauza handia da finalean egotea". 

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Osasunaren mendeurrena

Osasuna: mende bat pasioz taupaka

Eñaut Agirrebengoa

Osasuna bide zirraragarria eginda iritsi da ehungarren urteurrenera. Kemena eta borroka izan ditu beti ardatz, baita harrobiaren eta harmailen sostengua ere. Zaleen atxikimendua erabatekoa da, eta kluba bazkideena da oraindik ere. Osasun betean ospatuko du mendeurrena, garai berriei adi.

Txirrindulariak etapako lehen kilometroak egiten. ©LUCA ZENNARO / EFE

Irteeran izan da ikusmina, ez helmugan

Ainara Arratibel Gascon

Eguraldia eta luzera tarteko, txirrindulariek planto egin dute, eta etapa erdira laburtu da. Josef Cernyk irabazi du gaurko lasterketa

Joseba Ezkurdia eta Jokin Altuna, iazko azaroan, Lau eta erdiko Txapelketako finalerako pilota aukeraketan. ©I. URIZ / FOKU

«Ez gaituzte erabili»

Julen Etxeberria

Jokin Altunak eta Joseba Ezkurdiak diote «borondate onenarekin eta zentzuzko irtenbide bat bilatzeko asmoz» osatu dutela Pilotarien Elkartea

Cerny nagusi Giroan, eta Benett Vueltan

Cerny nagusi Giroan, eta Benett Vueltan

Ainara Arratibel Gascon

Txirrindulariek planto egin dute Giroan, eta etapa erdira murriztu da. Benettek atzetik etorrita irabazi du esprintean, Ejea de los Caballerosen.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna