Kataluniako prozesu subiranistari epaiketa

Estrasburgok ez du tramitera onartu Forcadellen askatasun eskaria

Badaezpadako espetxealdian da Kataluniako Parlamentuko presidente kargugabetua, prozesu subiranistaren aurkako auziagatik.

Carme Forcadell, Espainiako Auzitegi Gorenean deklaratu zuenean.
Carme Forcadell, Espainiako Auzitegi Gorenean deklaratu zuenean. EFE

Berria -

2019ko ekainak 12

Europako Giza Eskubideen Auzitegiak ez du tramitera onartu Carme Forcadell Kataluniako Parlamentuko presidente kargugabetuak egindako askatasun eskaera. Espainiako Auzitegi Gorenaren aginduz, badaezpadako espetxealdian da Forcadell Kataluniako prozesu subiranistaren aurkako auziagatik, eta Efe berri agentziak auzitegiko iturriak aipatuz zabaldu du atzera bota dutela haren askatasun eskaera. Epaile bakar batek hartu du espetxealdiaren aurkako galdea tramitera ez onartzeko erabakia, eta nahiko azkar, Estrasburgoko erritmoak aintzat hartuz gero.

Prozedura azkar hori dela-eta, Estrasburgok ez du publiko egin erabakiaren gaineko oharrik, eta beraz, ez du arrazoien gaineko azalpenik eman. Auzitegiko iturriek azaldu dute hiru arrazoi egon daitezkeela halakoetan: eskaria oinarririk gabea izatea, epez kanpo aurkeztua, edo salatzailearen estatuko bertako bideak agortu ez izana. Kasu honetan, hirugarren arrazoia litzateke indar gehien duena, kontuan hartuta Espainiako Auzitegi Konstituzionalak ez zuela ezer ebatzita oraindik Forcadellen espetxealdiaz hark eskaria aurkeztu zuenean.

Maiatza amaieran, Estrasburgok ontzat jo zuen Espainiako Auzitegi Konstituzionalak 2017ko urriaren 1eko independentzia erreferendumaren osteko osoko bilkura debekatu izana.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna