Bilboko Guggenheim Museoaren Fundazioaren Patronatuak —Eusko Jaurlaritza, Bizkaiko Foru Aldundia, Bilboko Guggenheim museoa eta Solomon R. Guggenheim fundazioa— urte amaierako batzarra egin zuen atzo. Urteko datu eta jarduera nagusiak errepasatzeaz gain, heldu den urterako arte programazioa onartu zituzten kideek. Iragarri dutenez, 2020an hainbat erakusketa egingo dituzte artista hauen lanekin: Wassili Kandiski, El Anatsui, Richard Artschwager, Lygia Clark, Olafur Eliasson, Lee Kraasnner eta Lynette Yiadom-Boakye; emakume artisten lanak erakusteko “konpromisoa” azpimarratu du patronatuak.
Salneurriak "ikusle berrien beharretara egokitzeko" neurriak hartuko dituela ere iragarri dute; besteak beste, aztertzen ari dira doako sarrera ezartzea 18 urtetik beherakoentzat .
