Albistea entzun

Tokiko monetak

Euskoa, "Europako moneta esperimenturik arrakastatsuena" BBCrentzat

Euskoari buruzko erreportaje bat argitaratu BBCk, eta nabarmendu du "mikromoneta propioa" duela Ipar Euskal Herriak: "Orain, Europako beste komunitate batzuek arrakasta bera izatea espero dute".

Euskoa aldatzen, artxiboko argazkian.
Euskoa aldatzen, artxiboko argazkian. Bob Edme

Berria -

2019ko ekainak 20

Euskal Herriari buruzko azalpen orokor batzuk emanez hasi dute BBCn euskoari buruzko artikulua, Frantziar erregio bat moneta berriarekin izenekoa. "Denden izenak, jatetxeetako menuak eta errepide seinaleak frantsesez idazten dira gehienbat, euskaraz beharrean; euskara, Espainian ez bezala, ez baita ofizialki aitortua Frantzian", kontatu du kazetariak, besteak beste. Dante Edme-Sanjurjo proiektuaren sustatzaileetakoaren hitzak ez ezik, erabiltzaile batzuenak ere jaso dituzte: "Honek laguntzen du jende gazteak euskara ikus dezan bizi publikoan, eta ez dadin gehiago lotsatu"; "euskoa tresna garrantzitsua da kultura sustengatzeko"; "komunitatea eratzen du eta lotura berriak sortzen ditu jendeen artean".

Edme-Sanjurjo eta beste lagun batzuk 2013an hasi ziren euskoaren proiektua sustatzen. "Gure hizkuntza desagertzear dago hemen", kontatu du baionarrak: "Ezagutzen ez dugun norbaiti mintzatzean, euskaraz egitea baztertzen da; publikoan partekatzen ez duten hizkuntza pribatu bat da". Egoera horri aurre egiteko, euskoaren helburua "erro kultural eta linguistikoak biziberritu" eta dirua Ipar Euskal Herrian geratzea dela azaldu du, "bertako enpresak babestuz".

BBCko kazetariak gogora ekarri duenez, "Europan halako moneta esperimentu" batek izandako arrakastarik handiena lortu du euskoak: iazko urrian, milioi bat euroren balioa duen moneta kantitatea zuten zirkulazioan. Joan den asteartean, Aviron Bayonnais errugbi taldea ere atxiki zen dinamikara; aurrenekoa da kirol talde profesionalen artean. BBCko artikuluan gogora ekarri dute Hego Euskal Herrian ere badirela halako proiektuak —Ekhi, adibidez—, baina ez dutela oraingoz halako indarrik lortu.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Dendartean: «Sistema ezartzeko prozedurak eta epeak ez dira egokiak»

A. Biain

Gipuzkoako merkataritza elkarteak protesta egingo du astelehenean, Donostian. Aldundiak hitz egiteko borondatea duela azpimarratu du
Aldundiko eta merkataritza nahiz enpresarien elkarteetako ordezkariak, gaur, Gasteizen. ©Berria

Arabak bi hilabetez atzeratuko du Ticket Bai sistema

Aitor Biain

Abenduaren 1etik aurrera izango da derrigorrezkoa, urriaren 1etik aurrera izan ordez. 60 urtetik gorako autonomoak ere salbuetsita geratuko dira.

Lan deialdi publiko batera aurkeztutako hautagai batzuk, azterketa egiten. ©Marisol Ramirez (Foku)

LABen arabera, «egiturazko milaka lanpostu» geratu dira egonkortze deialdietatik kanpo

Jokin Sagarzazu

Sindikatuak auzitara jotzeko aukera aztertuko du. Jaurlaritzaren «utzikeria eta aldebakartasuna» salatu du.

Lanbideren bulego bat Donostian ©Juan Carlos Ruiz (Foku)

ELArentzat, «atzerapausoa» da DSBE berria

Jokin Sagarzazu

Sindikatuak eskatu du lege proiektua bertan behera uzteko, eta berehala aplikatzeko sariaren inguruan 2008ko legeak ezartzen dituen zenbatekoak, sistema berri bat adostu arte.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...