John Zorn (New York, 1953) musikagile estatubatuarra abangoardiako musika garaikidearen katalizatzaile bilakatu da azkeneko 30 urteetan. Lan egin du musika judu tradizionalaren esparruan, hardcorean eta baita jazzean ere; betiere, inprobisazioa ardatz hartuta, eta hamaika proiektu eraman ditu aurrera: Naked City, Painkiller, Masada, The Gnostic Trio... 400 diskotan baino gehiagotan parte hartu du.
2013an, Masada Maratoia oholtzaratu zuen Zornek Donostiako Jazzaldian arrakasta handiarekin, eta aurten Bagatelles Marathon izeneko ikuskizun bikoitza dakar. Musika maratoi horretan hamalau musikarik parte hartuko dute
Musika-maratoi horretan hamalau taldek hartuko dute parte, eta musikariak, berriz, 30etik gora izango dira; horietako asko abangoardiako musikaren izen handiak: Mary Halvorson, Marc Ribot, Kris Davis, Julian Lage, Dave Douglas, Joey Baron, Craig Taborn, Peter Evans, John Medeski, Ikue Mori, Erik Friedlander, Mark Feldman, Sylvie Courvoisier, Kenny Wollesen, Trevor Dunn...
Donostiako Jazzaldia saria 1994an eman zuten aurrenekoz —Doc Cheathamek jaso zuen—, eta, orduz geroztik, urtero-urtero banatu dute.
Hauxe da zerrenda:
1994: Doc Cheatham
1995: Phil Woods
1996: Hank Jones
1997: Steve Lacy
1998: Chick Corea
1999: Max Roach eta Clark Terry
2000: Kenny Barron
2001: Ray Brown
2002: Elvin Jones
2003: Bebo Valdés
2004: Shirley Horn eta Fernando Trueba
2005: Keith Jarrett eta Charles Mingus (in memoriam)
2006: Herbie Hancock
2007: Wayne Shorter
2008: Ahmad Jamal
2009: Roy Haynes
2010: Ron Carter
2011: Toots Thielemans
2012: Jimmy Cobb eta Pierre Lafont (in memoriam)
2013: Lee Konitz eta Juan Claudio Cifuentes
2014: Toshiko Akiyoshi
2015: Benny Golson
2016: Ellis Marsalis
2017: Charles Lloyd
2018: Mary Stallings eta Michel Portal