Istripu larria gertatu da goizean AP-8 autobidean, Deba parean (Gipuzkoa). 59. kilometroan gertatu da ezbeharra, Irunerako bidean. Motorrak irrist egin, eta gidaria lurrera erori da. Tokian bertan hil da gizona. Debako bizilaguna zen, 61 urtekoa.
Segurtasun Sailak lerro bat itxi behar izan du Irunerako errepidean, eta hiru kilometro arteko ilarak sortu dira.
Atzo beste motor gidari bat hil zen Nafarroan. Goizaldean izan zen ezbeharra, NA-214 errepideko bosgarren kilometroan, Nabaskoze eta Las Coronas gainaren arteko bidean.
