Goizaldeko 4:30ak aldera jaso zuen abisua udaltzaingoak. Gizonezko bat emakume bati ukituak egiten ari zela salatu zuten bi gizonek, emakumea alkoholaren eraginpean eta konorterik gabe zegoela baliatuta. 53 urteko gizonak gogoz kontra eraman nahi zuen emakumea. Sexu-abusu delitua egotzi diote.
Udaltzainak iristean konorterik gabe topatu dute emakumea. Deia egin zuten bi gizonezkoak ari ziren hari laguntzen. Lekukoek emandako xehetasunei esker, erasotzailea identifikatu eta inguruko ostatu batean atxilotu dute.
Emakumea anbulantzia batean artatu eta Txagorritxu ospitalera eraman dute, eraso sexisten aurkako protokoloa aktibatuta. Han, emakumeak uko egin dio laguntza medikoari eta salaketa jartzeari. Erasotzailea, jada aske, epailearen aurrera eramango dute, sexu-abusu delitua egotzita.