BIgarren eguna Frantziako Tourrean eta bigarren garaipena Jumbo Visma taldearentzat. Atzo Mike Teunissenek jantzitako maillot horiari eutsi dio gaur taldeak erlojupekoan. Beraiek izan dira irteten azkenak, eta beraz, abantailarekin jokatu dute, aurkariek egindako denboren jakitun baitzeuden. Baina hori bakarrik ez da nahiko irabazteko.
Lan bikaina egind ute Tounissenen taldekideek eta hamar segundoko aldea atera diote lehen tokian irten den Ineosi eta 21 segundokoa hirugarren geratu den Deceunincki. Iaz hamargarren egin zuen Movistarre, berriz, hamabigarren tokiarekin koformatu behar izan du.
Ez da egunik onena izan Nairo Quintana eta Mikel Landarentzat. Movistarreko bi liderrek 44 segundo galdu dituzte gaurkoan Geraint Thomas eta Egan Bernal faboritoen aurkako lehian.
