Albistea entzun

Turismoa

Euskal Elkargoko Turismo Bulegoak turismoa "denboran eta espazioan hedatzea" du xede

Joan den urrian, Elkargoari lotu zitzaizkion 19 turismo bulego, elkarrekin aritzeko nahiarekin. Sasoiaren hasiera dela eta, dispositibo berriak abiatu dituzte "turismo arduratsu" baten alde.

Turista talde bat, Basque Bondissant konpainiaren autobus batetik jaisten, Lapurdin. /
Turista talde bat, Basque Bondissant konpainiaren autobus batetik jaisten, Lapurdin. / Nora Arbelbide

Oihana Teyseyre Koskarat -

2019ko uztailak 10 12:31

Egitura aldaketa egin dute Ipar Euskal Herriko turismo bulegoek. 2018ko urrian bateratu ziren Ipar Euskal Herriko hainbat bulego, eta Elkargoaren besapean kokatu dute egitura berria. Kostaldeko herriez gain, Maule (Zuberoa), Atharratze (Zuberoa), Baigorri (Nafarroa Beherea) eta Hazparne ere (Lapurdi) sartu dira proiektuan. Daniel Olzomendi Elkargoko turismo kontseilariak adierazi duenez, "turismo iraunkor" baten apustua egin dute, eta helburua da turismoa "urte osoan eta geografikoki" banatzea.

Helburu horretara iristeko, lehen egitasmo bat plantan ezarri dute: Euskal Pass izenekoa. Zenbait aukera emango ditu horrek. "Asteburuko formula" erosten dutenek, bi egunez nahi adina toki bisitatzen ahalko dituzte; 17 euro ordaindu beharko du pertsona bakoitzak, eta 6-13 urte bitarteko haurrek, 12 euro. "Egonaldiko formulak", berriz, 27 euroko kostua du helduentzat, eta 18 eurokoa haurrentzat. Hamalau eguneko balioa du, tarte horretan hiru egunez –jarraian ala ez– erabiltzeko. Txartel hori ordaindu, eta Ipar Euskal Herriko hainbat toki bisitatzen ahalko dituzte turistek. Nicolas Martin Euskal Elkargoko Turismo Bulegoaren zuzendariaren arabera, "familia batek bi toki bisitatzea aski du txartela kitatzeko". Haien xedea da barnealdean diren tokiak "bisitariei zabaltzea eta Ipar Euskal Herria Ezpeletatik harat joaten dela erakustea". Webgune bat ere eratu dute: bertan, Ipar Euskal Herriko hainbat herri bisita daitezke argazkien eta 360 graduko bistaren bidez.

Bestalde, Euskal Monetarekin hitzarmen bat adostu dute. Dante Edme Sanjurjo Euskal Monetako lehendakariaren ustez, horrek "Euskal Herritik pasatzen direnek ere tokiko ekonomian parte hartzea ahalbidetuko" du. Bi eskaintza mota izanen dira; lehenik, 20 euroren trukean, 18 eusko jasoko ditu erabiltzaileak –bi euro behar dira kide izateko–, eta, bigarrenik, 48 euskoz osaturiko gutuna jasoko du erabiltzaileak, 50 euroren truk. "Ekonomia lokala sustatzeko, geure burua turismoan kokatzea inportantea da", Edme Sanjurjok nabarmendu duenez. Partaidetzan dauden turismo bulegoetan izango dira eskuragai euskoak.

Ohartarazi dute turismoa Ipar Euskal Herriko enpleguaren %10 dela –nahiz eta horietako lan asko prekarioak izan– eta, beraz, sektore garrantzitsua dela, "egonkortzekoa". Geroari begira, helburua garraioak egituratzea da. Dominique Martinek uste du hemendik bi urtera Ipar Euskal Herriko garraiobideak hobetuko direla eta horretarako Elkargoarekin lanean arituko direla.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Turista talde bat, Donostian. ©GORKA RUBIO / FOKU

Eremu gorritik kanpoko bederatzi herri handik gainditu dute 400eko langa, Donostia barne

Berria

Gipuzkoako zortzi herri handi sartu dira eremu gorriko datuetan: Donostia, Azpeitia, Deba, Eibar, Hernani, Mutriku, Urnieta eta Zumaia; herrialdeko beste herri handi gehienak iristeko atarian daude. Laudiok ere gainditu du tasa.

Birusa detektatzeko baheketa Agurainen (Araba), artxiboko irudi batean. ©Raul Bogajo, FOKU

Beste 1.119 kasu positibo zenbatu dituzte Hego Euskal Herrian

Uxue Rey Gorraiz

Hirugarren egunez jarraian, egun bakarrean detektatutako positibo kopuruak mila kasuren langa gainditu du Hegoaldean. Birusaren agerraldi bat atzeman dute Bilboko zahar etxe batean; sei egoiliar kutsatu dira.

Mendigoizale bat Gorbeia mendia igotzen, Bizkaiko aldetik. ©Juanan Ruiz/FOKU

Eremu gorriko herrietan sartu eta irtetea galaraziko zaie mendizale federatuei ere

Maria Ortega Zubiate

Eusko Jaurlaritzak federatutako kirolarientzako arauak aldatu ditu, eta lehian ari ez diren kirolariak ezingo dira eremu gorritik atera edo bertara sartu.

Ertzainak itxiera perimetrala kontrolatzen, Gasteizen. ©ENDIKA PORTILLO / FOKU

Alarma egoeraren osteko eskumenen harira, zalantza ugari daude oraindik

Uxue Rey Gorraiz - Maria Ortega Zubiate - Edurne Begiristain

Txosten juridiko bat eskatu du EH Bilduk. Urkulluk berretsi du alarma egoera luzatzeko nahia

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna