Afrika

Kongoko Errepublika Demokratikoko ebola izurritea nazioarteko larrialdi izendatu du OMEk

Aurki beteko da urtebete lehen kasuak atzeman zituztenetik, eta 1.600 pertsona baino gehiago hil dira ordutik.

Kongoko osasun langile bat, kontrol postu batean.
Kongoko osasun langile bat, kontrol postu batean. STRINGER/EFE

Berria -

2019ko uztailak 17

OME Osasunaren Mundu Erakundeak historian laugarren aldiz izendatu du nazioarteko osasun-larrialdi egoera bat. Kongoko Errepublika Demokratikoan iazko abuztuan sortu zen ebola izurritearengatik, hain zuzen. OMEk arratsaldean egin duen bilera batean ebatzi du "oso handia" dela izurritea Kongoren ekialdean dauden herrialdeetara hedatzeko arriskua, bereziki Ugandara eta Ruandara. Hala ere, herrialde horiei esan die ez dutela muga ixteko beharrik. Nazioarteko larrialdi izendatuta, OMEk espero du atzerritik baliabide eta funts gehiago bideratuko dituztela Kongora izurritea kontrolpean hartzeko.

Izan ere, Kongoko Errepublika Demokratikoak baliabide eskasak ditu gaitzari aurre egiteko, eta izurritea zabaldu den eremua, ipar-ekialdea, gerra eremu bat da. Horrek zeharo zaildu du eritasuna kontrolpean hartzeko lana. Aste honetan, gainera, pertsona bat hil da Goma hirian ebolak jota; Gomak milioi bat biztanle ditu, eta orain arte birusaren presentzia atzeman duten gunerik jendetsuena da.

Gobernuak gaur jakinarazi du Goman 100 lagun inguruko zerrenda bat egin duela txertoa jar diezaieten, uste baitu kutsatuekin harremana izan dutela. 

Txertoa aurreko ebola izurritea gertatu zenean sortu zuten, 2014an Afrika mendebaldeko hainbat herrialdetan zabaldu zenekoan —bi urteko epean 11.000 pertsona baino gehiago hil ziren—. 

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna