Indarkeria

Tijuanan 31 hilketa izan dira 48 orduan

Poliziak plazaratu dituen datuen arabera, iragan asteburuan hilketa ugari izan dira Tijuanan, Mexiko iparraldean. Herrialdeko hiririk arriskutsuenetako bat da, nahiz eta hilketen kopuruak behera egin duen.

Polizia ugari Tijuanan hilketa baten berri izan ostean. /
Polizia ugari Tijuanan hilketa baten berri izan ostean. / Joebeth Terriquez / EFE

Nagore Arin -

2019ko abuztuak 1

Mexiko iparraldean eta AEBekiko mugan, hilketa daturik larrienetakoak dituen hiria da Tijuana. Horren adierazle dira iragan asteburuan erregistratutako datuak: 31 hilketa 48 orduan. Poliziak plazaratu ditu datuak, asteburuan izan ziren hilketa guztien berri jaso eta datu guztiak bilduta. Jakinarazi dutenez, 31 hilketa horietatik 11 igandetik astelehenera bitartean izan ziren.

Urtea hasi zenetik, 1.331 hilketa izan dira Tijuanan. Munduko herrialderik biolentoenen artean kokatu du hiria kopuru horrek, baina lehenagotik ere zerrenda horren gorenean zegoen. Mexikoko hiririk jendetsuenetan seigarrena da Tijuana, droga trafikoaren presentzia handia izateagatik ere ezaguna. Hain justu, droga trafikoarekin lotu dituzte ikertzaileek hilketa horien datuak. Haien arabera, hilketa kopuruak gora egin izanak lotura zuzena du droga trafikoarekin eta droga trafikatzaileek kontrolatzen dituzten eremuekin; izan ere, droga trafikatzaileen artean ohikoak dira kale kantoien kontrola eskuratzeko borrokak eta liskarrak.

Mexikoko hiririk arriskutsuenetako bat da Tijuana. Hori berretsi zuten 2018. urtean herrialde osoan erregistratu ziren datuek, The San Diego Union Tribune hedabideak argitaratuak: 138 hilketa 100.000 biztanleko, hots, zazpi hilketa egunean. Hala ere, Marco Sotomayor Segurtasun Publikoko zuzendariaren arabera, jaitsi egin da kopuru hori aurreko urtean bildutako datuekin alderatuta: %2 jaitsi da hilketa kopurua. Gainera, datu horiek gorabeheratsuak dira hilabetez hilabete aztertzen badira, historian hilketa kopurua igotzeko joera azaldu baitute hilabete batzuek.

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Raiundo Berri taberan izan zirenak PCR proba egiteko zain, Okendu kultur etxean gaur goizean. ©Gorka Rubio/FOKU

500 positibotik gora atzeman dituzte Hego Euskal Herrian

Berria

Atzo baino 119 kasu gehiago izan dira. Ospitaleratzeak areagotu egin dira azken orduetan.

Lasarte-Oriako klasururako konbentua itxita, gaur. ©Javier Etxezarreta / EFE

Lasarte-Oriako klausurako komentu bateko moja guztiek positibo eman dute

Berria

Hamar izan dira positiboak guztira. Alkateak adierazi du agerraldia kontrolpean dagoela.

Kutsatze kopuruen azken datuek gora egin dutela ikusita zientzialariak gaineratu du gaitzak “arazo bat” izaten jarraitzen duela. ©Gorka Rubio / FOKU

Bengoak uste du egoera «larria» dela

Aloña Beraza Peña

Ikuskaritza independente bat eskatu dute gertatu dena ikertzeko, egin diren hutsegiteak berriz ere egin ez daitezen, eta aurrera begira ikasteko.

PCR proba egiten gaur, Donostiako Okendo kultur etxean. ©Gorka Rubio/FOKU

Gasteizko Kilimanjaro diskotekan eta Xixilu jatetxean, eta Galdakaoko Muguru tabernan egon zirenei proba egiteko eskatu die Jaurlaritzak

Berria

Gasteizko diskotekan uztailaren 17tik abuztuaren 6ra izan zirenek egin beharko dute testa, eta uztailaren 31tik abuztuaren 4ra jatetxean egondakoek. Galdakaon, tabernan uztailaren 27tik abuztuaren 4ra egon zirenek.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna