Albistea entzun

Zinema

James Franco, berriz ere Zinemaldiko Sail Ofizialean

Kategoria nagusian ariko diren hamar lan iragarri dituzte oraingoz antolatzaileek.

Zeroville filmeko fotograma bat.
Zeroville filmeko fotograma bat. Zinemaldia Tamaina handiagoan ikusi

Miren Garate -

2019ko abuztuak 2 12:45

2017an, Urrezko Maskorra irabazi zuen James Franco zuzendari estatubatuarrak, The Disaster Artist filmarekin. Zinemaldiko antolatzaileek gaur goizean jakinarazi dutenez, Sail Ofizialerako aukeratu dute haren azken lana ere: Zeroville. Literatur lan baten egokitzapena da, Steve Ericksonen izen bereko eleberriarena. Hollywoodeko giro aldakorrean dago kokatuta istorioa, eta Franco bera ez ezik, Megan Fox, Seth Rogen, Will Ferrell, Jacki Weaver eta Dave Franco ere badira aktore nagusiak.

Orain arte Zinemaldian inoiz lehiatu gabeko sei zuzendariren lanak ere izango dira aurtengo Sail Ofizialean: Adilkhan Yerzhanoven A Dark-Dark Man, Ina Weisseren Das Vorspiel, Louise Archambaulten Il pleuvait des oiseaux, David Zonanaren Mano de obra, Gillaume Niclouxen Thalasso eta Jose Luis Torres Leivaren Vendrá la muerte y tendrá tus ojos.

Ohi bezala, Zinemaldia pixkanaka ari da jakinarazten zer film izango diren aurten ikusgai. Gaur goizean iragarri dituen zazpi lanez gain, Urrezko Maskorra irabazteko lehian ariko diren beste hiruren berri ere eman zuen orain pare bat aste. Horien artean dago Aitor Arregi, Jon Garaño eta Jose Mari Goenagaren La trinchera infinita, bai eta Alejandro Amenabarren Mientras dure la guerra eta Belen Funesen La hija de un ladrón ere.

Daniel Sanchez Arevaloren Diecisiete filmak lehiaketaz kanpo parte hartuko du, eta Sebastian Borenszteinen La odisea de los giles lanak emanaldi berezia izango du. Irailaren 20tik 28ra izango da aurtengo Zinemaldia, eta Sail Ofiziala osatuko duten gainerako filmen izenak hurrengo asteetan jakinaraziko ditu Zinemaldiak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Joaldun bat Ortzaizeko kabalkadan, irailaren 18an. ©PATXI BELTZAIZ

Kultur politikaren eraikuntzan

Joanes Etxebarria

Heldu den otsailaren 4an Euskal Elkargoan kultur politikaren proiektua bozkatuko dute. Proiektuak, eragileen rolak definituz, Euskal Kultur Erakundearena argituko du. Garapen Kontseilua, berriz, ondoko urteetako proiekzioa lantzen hasiko da oraidanik.
Clara Montero Tabakalerako Kultura zuzendaria, eta Ana Teixeira eta Oier Etxeberria erakusketaren komisarioak, atzo, hainbat artistarekin. ©MAIALEN ANDRES / FOKU

Begi bistakoa den armategia

Naroa Torralba Rodriguez

Gaurtik ekainaren 4ra bitarte, Evil Eye erakusketa dago Tabakaleran. Izaro Ieregi eta Azucena Vieites artisten lanak ditu, besteak beste. Jarduera programa bat ere izango du
Claudie Marcel-Dubois eta Maguy Pichonnet-Andral etnomusikologoak. ©Claudie Marcel-Dubois

Bigarren Mundu Gerlaren ondoko grabaketa batzuk, entzungai sarean

Iñaki Etxeleku - Ipar Euskal Herriko Hitza

Frantziako bi ikerlarik 1947an eta 1958an egin euskal kantu, bertso eta soinu grabaketak Interneten entzungai jarri dituzte berriki. Artxibo horiek gehienak aztertzekoak dira oraino.

Bertso Eguna, iaz, Izpuran. / ©Guillaume Fauveau

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.