Ingurumena

Lindanoa aurkitu dute Jata eta Enekuriko basoetako zur laginetan

Horrek dakarren arriskuaz ohartarazi du Ekologistak Martxan-ek, batez ere baso horiek su hartuko balute.

BERRIAko kazetariak Jatako basoan. Lindanoa argi ikusten da.
BERRIAko kazetariak Jatako basoan. Lindanoa argi ikusten da. Luis Jauregialtzo - Foku

Gotzon Hermosilla -

2019ko abuztuak 13

Ekologistak Martxan elkarteak aspaldian salatua zuen lindano izeneko hondakin toxikoa dagoela gaur egun itxita dauden Bizkaiko zenbait zabortegitan HCH edo —esaterako, Jatako eta Enekuriko (Bizkaia) hondakindegi izandakoetan—, bai eta kutsatuta egon zitezkeela ere orain haien gainean dauden basoak. BERRIAk ere horren inguruko erreportaje zabala argitaratu zuen uztailaren 25ean.

Ekologistak Martxan-eko kideek, ikusita beren salaketek ez zutela erakundeen aldeko erantzunik, toki horietako basoetako zur laginak hartu dituzte, eta laborategi independente batera bidali, aztertzeko. Orain jakinarazi dituzte emaitzak: Enekurin hartutako zur lagin bietan lindanoa topatu dute –1,81 miligramo eta 3,64 miligramo zur kilogramo bakoitzeko, hurrenez hurren–, eta Jatako zuhaitzetatik hartutakoetan ere bai, dosi handiagoetan –3,14 eta 6,47 miligramo–.

Ekologistak Martxan-eko Javier Vazquezek azaldu duenez, horrek bi arrisku dakartza. Batetik, basoak su hartuko balu, lindanoa desegin egingo litzateke, eta fosgeno izeneko substantzia pozoitsua askatuko luke –I. Mundu Gerran arma kimiko gisa erabili zuten, eta pertsona ugari hil zituen–. Horrek arrisku handia ekarriko lieke sua amatatzera joango liratekeenei –Vazquezek salatu du erakundeek ez dutela protokolo zehatzik horrelako kasu baterako–, eta, sutea oso handia balitz, baita inguruko herritarrei ere.

Bestetik, hango zuraren ohiko erabilerak beste arrisku bat lekarke. Ekologistak Martxan-ek salatu duenez, Jatan zuhaitzak mozten ari dira zura erabiltzeko asmoz, seguru asko papera egiteko edo altzarietarako. "Argi esan behar dugu hangoa ez dela zura, hondakin toxiko arriskutsua baizik, eta horrela tratatua izan behar duela", azaldu du Vazquezek.

Ekologistak Martxan-ek gogorarazi du Eusko Legebiltzarrak lindanoari buruzko legez besteko proposamen bat onartu zuela aho batez joan den martxoaren 27an, eta han Lan Mahai bat sortzea aurreikusten zela, beste zenbait neurriren artean, arazoari konponbideak bilatzeko. Orain, mahai hori abian jartzeko eta bertan gizarte eragileei tokia egiteko eskatu dute.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Gaurko Ministro Kontseiluko irudi bat. ©Espainiako Gobernua

Alarma egoera onartu du Espainiako Gobernuak, sei hilabeterako luzatzeko asmoz

Edu Lartzanguren

Eusko Jaurlaritzako eta Nafarroako Gobernuko buruek edukiko dute egoera kudeatzeko eskuduntza, eta erabaki propioak hartzeko aukera. Elkartzeko eskubidea mugatuko du Espainiak, eta etxeratzeko agindua ezarriko du gauean. Urkulluk eta Txibitek ontzat jo dute erabakia.

Zumaiako Aitzuri pilotalekuan egingo dituzte PCR probak. ©Baleike

Zumaian, Ermuan eta Mallabian baheketak egingo dituzte astelehenetik

Berria

Hiru herrietan, 13 eta 40 urte arteko biztanleei eskatu diete PCR proba egiteko, izurria kontrolatze aldera. Mallabiko herritarrek Ermuara joan beharko dute proba egitera. Getarian ez dute baheketarik egingo.

 ©JON URBE / FOKU

«Onartezina da bihar txertoa heltzea eta horretaz gogoetarik egin gabe egotea»

Arantxa Iraola

Txertoa lortzeko ikerketek, hura jartzeko garaia heltzen denerako ezarri behar diren irizpideek, itaun etiko ugari ekarri dituzte. Horietaz gogoetan ari da Ausin, eta, oro har, izurriaren inguruko auzi etikoez. Hitz hau darabil usuenik: «Gardentasuna».

Jaten emateko lizentziarik ez duten ostatuetako bat, Maulen, estadioaren parean, halabeharrez hetsirik. ©GUILLAUME FAUVEAU

Etxeratze aginduak ez du karismarik

Ainize Madariaga

COVID-19ren kontrako manuek ezinegona eragin dute hainbat herritarren artean. Hiru ostatuk ezin dute ireki Maulen. Zabal dezaketenek ez dakite norat buruz doazen

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna