Kontragailurra Irunen

Beltran de Herediak dio "behar adina neurri" hartu dituztela G7koen aurkako kontragailurrerako

G7 Ez eta Alternatives G7 herri plataformek adierazi badute ere ez dutela egingo "ekintza bortitzik", Eusko Jaurlaritzako Segurtasun sailburuak esan du "gertakariak aurreikusi" behar dituztela.

Estefania Beltran de Heredia, Eusko Jaurlaritzako Segurtasun sailburua
Estefania Beltran de Heredia, Eusko Jaurlaritzako Segurtasun sailburua Jaizki Fontaneda / Foku

Olatz Enzunza Mallona -

2019ko abuztuak 13 08:34

Eusko Jaurlaritzako Segurtasun sailburu Estefania Beltran de Herediak adierazi du "behar adina babes eta segurtasun neurri" hartu dituztela G7koen aurkako kontragailurra normal egin dadin, eta, kontragailurraren harira, esan du espero duela istilurik ez egotea. Izan ere, kontragailurraren antolatzaileek baieztatu badute ere ez dela egongo "ekintza bortitzik", "segurtasun zerbitzu" propioa prestatu dute.

Beltran de Herediak argi du "jendetza" ekarriko duela G7 Ez eta Alternatives G7 herri plataformek antolatutako kontragailurrak, eta, hortaz, azpimarratu du, segurtasun ikuspuntutik "era guztietako egoerak kontuan" izan behar dituztela. Hilaren 21etik 26rako antolatu dituzte jarduerak Hendaia, Irun eta Miarritze inguruetan. Hala ere, abuztuaren 24an Hendaiatik Ficobara egingo duten manifestaldian jarri du arreta Segurtasun sailburuak: "Ertzaintzak neurriak hartuko ditu manifestazioa normal egiteko, baina baita manifestazioan parte hartzen ez dutenengan ez eragiteko ere". Arazo nagusia, nolanahi ere, trafikoarena izango dela dio.

Beltran de Herediaren hitzetan, Ertzaintza prest dago G7koen eta kontragailurraren ondorioz sor daitezkeen "gorabeherak" aurreikusteko eta arazoei heltzeko: "Edozein egoerari aurre egiteko prest egon behar dugu, eta gertakariak aurreikusi behar ditugu".

Irun eta Hendaia artean

Hilaren 21ean hasi eta 26an bukatuko dituzte Irungo Ficoban (Gipuzkoa) eta Hendaian (Lapurdi) antolatu dituzten jarduera eta mobilizazioak. Lau eremu nagusi egongo dira hilaren 21etik 23ra: Irungo Ficoban eta Hendaiako zineman, hitzaldi eta tailerrak; Hendaiako Jean Jaures eskolan, Gazte Gunea; Kanetako portuan, BBGkoen aste intergalaktikoa, eta, kanpalekuan, Jaka Horien herrixka.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Manu Aierdi, iragan otsaileko prentsaurreko batean ©Iñigo Uriz / Foku

Gorenak diligentziak ireki ditu Manu Aierdi ikertzeko

Berria

Andres Palomo del Arco Goreneko magistratuak kaleratutako autoan ezartzen da haren edukia «ikertuari» bidaltzeko eta, Prozedura Kriminalaren legeko 118. artikuluaren arabera, bere eskubideen berri eman diezaiotela. Javier Esparzak berehalako dimisioa eskatu du.

Carlos Bardem aktore, gidoilari eta idazle espainiarra da sinatzaileetako bat. / ©PABLO MARTIN, EFE

Kultur eta hezkuntza munduko 30 pertsonalitatek presoen urruntzea amaitzeko eskatu dute

Edu Lartzanguren

Euskal Herriko, Herrialde Katalanetako eta Espainiako izenak daude sinatzaileen artean. «Iraganeko salbuespenezko logikak» gainditzeko eskatu dute.

Nafarroako Parlamentuko legebiltzarkide batzuk, gaur. ©Nafarroako Parlamentua

Presoak hurreratzearen alde egin du Nafarroako Parlamentuak

Berria

Geroa Baik, EH Bilduk, Ahal Dugu-k eta Ezkerrak aurkeztu dute mozioa, eta eskaera horrekin bat egin du PSNk; Navarra Sumak, berriz, kontra egin du

<b>Jordi Sole, Pernando Barrena eta Chris MacManus, atzoko aurkezpenean.</b> ©BERRIA

Europarlamentari talde bat erabakitze eskubidearen alde

Berria

Korsika, Flandria, Irlanda, Katalunia eta Euskal Herriko hainbat diputatu batu dira Europako Legebiltzarrean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.