81 urteko gizon bat hil da Santurtzin, liskar batean

Bizilagun batzuen arteko liskarra izan da, eta Ertzaintzak gizon bat atxilotu du, homizidio delitua leporatuta.

Berria -

2019ko abuztuak 13

Ertzaintzak azaldu duenez, atzo izan zen liskarra, bizilagun batzuen artean. Santurtziko Larrarte Anaiak kalean gertatu zen (Bizkaia), 17:00 aldera. Bizilagunetako bat bestearen etxebizitzara joan zen, eta borrokan hasi ziren etxearekin lotutako gatazka baten harira. Borrokan, 81 urteko gizona lurrera erori zen, eta kolpe bat jaso zuen buruan. Zaurituta eraman zuten Gurutzetako erietxera (Barakaldo, Bizkaia). Medikuek ezin izan zuten salbatu, eta ospitalean hil zen.

Hasieran, Santurtziko udaltzainek hasi zuten gertaeren gaineko ikerketa, baina gaur senideek salaketa jarri ondoren, Ertzaintzak hartu du bere gain. 10:30 aldera, Ertzaintzak 42 urteko gizon bat atxilotu du homizidio delitua leporatuta.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna