Noiz sortua: 2019-08-16 15:45:54

Danimarka eta AEB

Groenlandiarrek Trumpi erantzun diote: "Ez gaude salgai"

AEBetako presidenteak Groenlandia erosteko interesa agertu du, Wall Street Journal egunkariaren arabera. Danimarkako hainbat ordezkari politikok adierazi dute tokiz kanpo legokeela gisa horretako proposamen bat egitea. "Txantxa bat" izatea espero dute.

Upernavik herriko ikuspegia, Groenlandia mendebaldean.
Upernavik herriko ikuspegia, Groenlandia mendebaldean. LINDA KASTRUP/EFE

Berria -

2019ko abuztuak 16

Donald Trump AEBetako presidenteak Danimarkara bidaiatuko du hilabete barru, bisita ofizialean. Hainbatetan gertatu izan da Trumpek bisitatzekoa duen herrialdeari buruzko adierazpenak egitea eta horien harira zalaparta sortzea. Oraingoan, Groenlandian eta Danimarkan harrotu dira hautsak, uhartea Danimarkari erosteko interesa agertu baitu Trumpek, World Street Journal egunkariaren arabera. Hedabideak argitaratu duenez, presidenteak gertuko aholkulariei agindu die aukera hori aztertzeko, eta proposamena Danimarkako agintariengana iritsi da "seriotasun maila desberdinekin". Pentsa daitekeenez, albisteak zeresan handia eman du sare sozialetan.

Groenlandia erosteko ideia ez da berria Etxe Zurian. Harry Truman presidente ohiak uhartea erosteko eskaintza egin zion Danimarkari, 1946an: ehun milioi dolar eskaini zizkion Groenlandiako lurren truke. Proposamenari uko egin zion Danimarkak. AEBek base militar bat dute uhartearen ipar-ekialdean.

Danimarkan ez diete seriotasun handirik aitortu Trumpen interes posibleari. "Inozente eguneko txantxa bat behar du izan, sasoiz erabat kanpokoa", adierazi du Lars Lokke Rasmussen Danimarkako lehen ministro ohi eta oposizioko buruak. "Hori pentsatzen ari dela egia bada, erotu egin denaren froga argia da. Den bezala esan beharra daukat: Danimarkak AEBei 50.000 herritar saltzearen ideia erokeria hutsa da", erantzun du Soren Espersen Alderdi Popular Daniarraren Atzerri Gaietarako bozeramaileak.

Martin Lidegaard Aderdi Sozial Liberalekoak espero du Wall Street Journal-ek argitaratutakoa "txantxa bat" izatea. Hala ez balitz, "ikaragarria" litzatekeela adierazi du. Gaineratu du Groenlandia AEBren eskuetara pasatuz gero, groenlandiarrek autonomia galduko luketela eta uhartea militarizatzeko arriskuan legokeela.

Groenlandiak Danimarkako parlamentuan duen bi parlamentarietako bat da Aaja Chemnitz Larsen. Haren hitzetan, hobe litzateke "Danimarkarekiko harremana indartzea". Trumpen eskaintza posible bati "ez, eskerrik asko" erantzun dio. Gaineratu du Groenlandia ez dela "saldu daitekeen ondasun bat".

Groenlandiako Gobernua ere mintzatu da albistearen gainean. Nabarmendu duenez, uhartea "ez dago salgai". Gobernuak azaldu du "lankidetza ona" duela Groenlandiak AEBekin, eta Trumpen adierazpenak "inbertitzeko interes" gisa ulertzen dituela. Ez du adierazpen gehiago egin nahi izan, "informazioaren izaera ez ofiziala dela eta".

Trumpek bere lehenengo bisita ofiziala egingo dio Danimarkari hilabete barru, eta Groenlandia erosteko aukera hizpide izango duten ala ez argitu gabe badago ere, Wall Street Journalek adierazi du Trumpek ideia hori aipatu zuela iaz, afari batean, Danimarka Groenlandiarentzako finantza babes bila ari zela entzun zuenean.

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 29an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan lau pertsona hil dira COVID-19 gaitzaren eraginez, 22 positibo atzeman dituzte PCR probekin, eta bi gaixo ospitaleratu dituzte. Euskal Herrian 29.107 gaixok eman dute positibo guztira, koronabirusa atzemateko probaren bat eginda. Horietatik 2.056 hil dira. Grafikoak, albiste barruan.

Donostiako Kontxa hondartza, pasa den asteartean. ©Gorka Rubio, Foku

Hondartzen erabilera «dinamikoa» egiteko eskatu du Jaurlaritzako Osasun Sailak

Berria

Osasun Sailak eskatu du hondartzak kirola egiteko, paseatzeko eta bainatzeko erabiltzea, baina ez hondarretan geldirik egoteko. Bizkaian, Areetan, Lagan, Laidan eta Ean hartu dute hondartza «dinamikoak» ezartzeko erabakia. Lapurdiko hondartzak, berriz, maiatzaren 16an ireki zituztenetik dira «dinamikoak».

Mari Luz Esteban eta Elixabete Garmendia. / ©GORKA RUBIO, FOKU

«Zahartzaroari ematen zaion tratamenduaren metafora da gertatu dena»

Maider Galardi F. Agirre

Koronabirusaren krisia piztu denetik, maiz hitz egin da adinekoen zaurgarritasunari buruz, eta, oraindik, kalera irteteko mugak dituzte adinekoek. Mari Luz Esteban antropologoak eta Elixabete Garmendia kazetariak, ordea, salatu dute adinkeria dagoela, eta beharrezkoa dela nagusiagoei ahots propioa ematea.

Jende asko hurbildu da gaur hondartzetara. Irudian, Sopelakoa. ©Luis Jauregialtzo / FOKU

Uda giroko ertzak (eguneko laburpena)

Pello Urzelai

PCR proben bidez, 24 kasu berri diagnostikatu dituzte. Beste lau pertsona gehiago hil dira koronabirusaren gaitzarekin gaixotuta.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna