Noiz sortua: 2019-08-21 17:42:13

G7koen goi bilera Miarritzen

Oporretatik itzuli den frantziar bati Hendaian sartzea galarazi dio Poliziak

Irungo Harrera Sarera jo du laguntza eske. Entzun testigantza albistearen amaieran.

Irun eta Hendaia arteko muga, Santiago zubian.
Irun eta Hendaia arteko muga, Santiago zubian. Jagoba Manterola/Foku

Nagore Arin -

2019ko abuztuak 21

Espainiara oporretara joan, eta Gipuzkoa eta Lapurdi arteko muga igaro ezinik gelditu da senegaldar jatorriko frantziarra. Frantzian bizi da, eta muga igarotzeko paper guztiak ditu. Haatik, Frantziako Poliziak galarazi egin dio bere herrialdera itzultzea, Santiago zubian, Hendaian. Euskal Irratiak komunikabideak jaso du gizonezkoaren testigantza.

G7koen goi bileraren harira ezarritako segurtasun neurriak direla-eta galarazi diote muga igarotzea. Komunikabideak jakinarazi duenez, Hendaian sartu ezinik dabil gizonezkoa, nahiz eta frantses nazionalitatea izan. Gizonezkoaren adierazpenak jaso ditu: “Espainian oporretan izan naiz. Beharrezkoa ez bada ere, pasaportea berritzen ari naiz, baina osasun txartela eta hauteskunde txartela ditut”. Halaber, mugikorrean zuen prefetaren ziurtagiri bat ere erakutsi diela salatu du, baina hala eta guztiz ere ez diotela muga igarotzen utzi.

“Frantzian bizi naiz, han dut familia, etxea, zergak ordaintzen ditut, jatetxe bateko sukaldaria naiz; baina ez dakit nola egingo dudan nire herrialdera sartzeko" jarraitu du kontakizuna etxera itzuli ezinik dagoen gizonezkoak. Bizitzen ari den egoera ez dela normala esan du, eta salaketa jarriko duela, "beharbada, Espainiako Polizian", adierazi du: "Baina Frantziako Polizia da, hain justu, nire herrialdean sartzen utzi ez didana".

Testigantza horren antzera, zenbait migratzaile antzeko egoerak bizitzen ari direla salatu du Irungo Harrera Sareak; izan ere, G7koen goi bileraren atarian eta kontragailurraren hastapenetan, mugako zaintza kontrolak zorroztu dituzte segurtasun indarrek. Hori salatu dute kideek: “Mugaz gaindiko garraio publikoa ezabatuta, lurretik, airetik, ibai eta itsasoz Miarritzeko goi bileraren ondorioz dauden kontrol hertsiak erabatekoak dira migratzaileentzat. Baina ez haientzat soilik”. Adierazi dute, hain zuzen ere, sorterrira itzuli ezinik dabilen frantziar gazte bat laguntza eske joan zaiela.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Osakidetzako langile bat Txagorritxuko laborategi batean lanean. ©Gorka Rubio, Foku

Justizia Auzitegi Nagusiak ebatzi du Osakidetzak arriskuan jarri dituela langileak

Ainhoa Larretxea Agirre - Mikel P. Ansa

Osagileen sindikatuek jarri zuten salaketa, eta ekainaren 16an egin zuten epaiketa. ESK sindikatuak Nekane Murga Osasun sailburuaren eta Osakidetzako zuzendaritzaren dimisioa eskatu du. Osakidetzak, ordea, «positibotzat» jo du ebazpena, epaileak atzera bota dituelako sindikatuen «eskari gehienak».

Jendea paseoan, konfinamendua arintzeko lehen fasean. ©JON URBE/ FOKU

Jaurlaritzak ziurtatu du COVID-19aren agerraldiak «kontrolatuta» daudela

Irati Urdalleta Lete

Beste hamalau positibo eta hiru hildako daude. Jaurlaritzak pentsatu du neurriak areagotuko dituela jende pilaketak «mantenduz eta orokortuz» gero

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna