IKURRAK

Nafarroako Ikurren Lege berri bat onartzea proposatuko du Navarra Sumak

Esparzak adierazi du Nafarroako Tokiko Mapa aldatu berri duen legea baliogabetzeko eskatuko duela.

Ikurrina Lizarrako udaletxeko balkoian, beste ikur ofizialekin batera, 2015eko jaietan. /
Ikurrina Lizarrako udaletxeko balkoian, beste ikur ofizialekin batera, 2015eko jaietan. / Iñigo Uriz/Foku

Olatz Enzunza Mallona -

2019ko abuztuak 23

Gaur goizean egindako agerraldian jakinarazi du Navarra Sumako bozeramaile Javier Esparzak Nafarroako Parlamentuan Ikurren Lege berri bat onartzeko proposamena aurkeztuko dutela. Irailaren 2tik aurrera Nafarroako Parlamentuan abiatuko den urte politikoan aurkeztuko dituen egitasmoen berri emateko egin du agerraldia koalizioko buruak. Esparzak espero du proposamenak PSNren babesa izango duela, eta "hauteskundeei begira hartutako konpromisoen tamainako jarrera" izateko eskatu dio PSNri.

2003ko apirilaren 11n UPNren eta PSNren babesarekin indarrean sartu zen foru legea da Ikurren Legea, eta Nafarroako udaletxeetan ikurrina jartzea galarazi zuten. Hala ere, aurreko legealdian indargabetu zuten 2003ko foru legea Geroa Bairen, EH Bilduren, Ahal Dugu-ren eta Ezkerraren babesarekin. Orain, berriro ere, indarrean jarri nahi du lege hori Navarra Sumak.

Era berean, Esparzak agerraldian adierazi du Nafarroako Tokiko Mapa aldatu berri duen legea baliogabetzeko eskatuko duela, eta auzi horretan ere PSNren babesa jasotzea espero du Navarra Sumak.

Uharten, ikusteke

"Laster ikusiko dugu ze gertatuko den", adierazi du Esparzak Uharteko alkatetzaren inguruan, eta horren harira aurreratu du ez dutela PSNrekin hitz egin. Uharteko alkate Amparo Lopez Nafarroako Gobernuko Barne Kontseilaritzako zuzendari nagusi izendatu zutenetik, ez dago alkaterik Uharten. Alkate berria aukeratzeko osoko bilkura atzo izatekoa bazen ere, epea atzeratu dute.

Maiatzeko hauteskundeetan, EH Bildu izan zen Uharteko lehen alderdia, bost zinegotzi lortuta. Ondoren, GIH taldeak lau lortu zituen, eta Navarra Sumak, bi. Azkenik, zinegotzi bakarra lortu zuten Geroa Baik eta PSNk.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Raiundo Berri taberan izan zirenak PCR proba egiteko zain, Okendu kultur etxean gaur goizean. ©Gorka Rubio/FOKU

500 positibotik gora atzeman dituzte Hego Euskal Herrian

Berria

Atzo baino 119 kasu gehiago izan dira. Ospitaleratzeak areagotu egin dira azken orduetan.

Lasarte-Oriako klasururako konbentua itxita, gaur. ©Javier Etxezarreta / EFE

Lasarte-Oriako klausurako komentu bateko moja guztiek positibo eman dute

Berria

Hamar izan dira positiboak guztira. Alkateak adierazi du agerraldia kontrolpean dagoela.

Kutsatze kopuruen azken datuek gora egin dutela ikusita zientzialariak gaineratu du gaitzak “arazo bat” izaten jarraitzen duela. ©Gorka Rubio / FOKU

Bengoak uste du egoera «larria» dela

Aloña Beraza Peña

Ikuskaritza independente bat eskatu dute gertatu dena ikertzeko, egin diren hutsegiteak berriz ere egin ez daitezen, eta aurrera begira ikasteko.

PCR proba egiten gaur, Donostiako Okendo kultur etxean. ©Gorka Rubio/FOKU

Gasteizko Kilimanjaro diskotekan eta Xixilu jatetxean, eta Galdakaoko Muguru tabernan egon zirenei proba egiteko eskatu die Jaurlaritzak

Berria

Gasteizko diskotekan uztailaren 17tik abuztuaren 6ra izan zirenek egin beharko dute testa, eta uztailaren 31tik abuztuaren 4ra jatetxean egondakoek. Galdakaon, tabernan uztailaren 27tik abuztuaren 4ra egon zirenek.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna