Telmo Esnal

"Jendeak ondo pasatzeko egin dugu filma"

Aupa Etxebeste! filmeko familiaren gorabeherak oinarri hartuta, irailaren 24an estreinatuko da Agur, Etxebeste filma Donostiako Zinemaldian, Euskal Zinemaren Galan. Hiru egun geroago iritsiko da zinema aretoetara.

Telmo Esnal, iaz Donostiako Zinemaldian.
Telmo Esnal, iaz Donostiako Zinemaldian. Juan Carlos Ruiz / Foku

Alba Cabrera Jauregi -

2019ko abuztuak 30

Duela hamalau urte estreinatu zen Aupa Etxebeste! filma, Telmo Esnalek (Zarautz, Gipuzkoa, 1966) eta Asier Altunak (Bergara, Gipuzkoa, 1969) zuzenduta. Pelikularen bigarren zatia aurkeztu dute orain: Agur, Etxebeste!. Donostiako Zinemaldian estreinatuko dute, eta 27an iritsiko da zinema aretoetara.

Hamalau urte pasatu dira Aupa Etxebeste! estreinatu zenutenetik, eta oraingoan Agur, Etxebeste!-rekin zatozte; zergatik ez “gero arte” bat?

Izenburuak badauka istorioarekin zerikusia, lehenengo pelikulak zuen bezalaxe, eta hirugarren zati baterako ere edukiko genuke beste titulu bat ziurrenik. Baina nik uste dut zer egin behar genuen jakin baino lehenago erabaki genuela zein izango zen bigarren zatiaren izenburua. Ez dakigu tituluak berak ez ote duen baldintzatu istorioa.

Aupa Etxebeste!-ko lantalde tekniko eta artistiko berarekin aritu zarete lanean. Nolakoa izan da berriro esperientzia bizitzea?

Bigarren pelikula egiteko baldintzetako bat aktoreak berberak izatea zen. Baina, era berean, Aupa Etxebeste!-ko lantaldearekin lan egitea polita izango zela pentsatu genuen. Gehienak bigarren zatian berriro ere parte hartzeko prest agertu ziren; baina, esaterako, argazki zuzendariarekin arazo txiki bat izan dugu, beste proiektu batzuetan zebilelako. Aktoreei dagokienez, lehen zatiko berberak dira, baina istorioa aldatu egin denez, pertsonaia berriak txertatu ditugu. Giro ezin hobea egon da, oso harmoniatsua izan da, eta oso gustura egin dugu lan. Espero dut jendeak gozatu eta barre egitea.

Aupa Etxebeste! Asier Altunarekin batera egin zenuen lehen film luzea izan zen. Ondoren, bakoitzak bere ibilbidea egin du, eta orain, berriro elkartu zarete bigarren zatia egiteko. Nolakoa izan da berriro elkartzea?

Bakoitzak bere proiektuak egin ditu, baina nahiko lotuta ibili gara; nik parte hartu izan dut bere proiektuetan, eta alderantziz. Ez gara dirudien bezain urruti egon, eta nahiko erraza egin zaigu elkarrekin lan egitea.

Pelikulan ere hamalau urte pasatu dira?

Filma egiteko proposamena egin orduko, etxebestetarrak gaur egun non egongo ote ziren galdetu genion geure buruari, eta, beraz, egungo istorio bat kontatuko genuela erabaki genuen. Guretzat argi zegoen Patrizio herri horretako alkatea izango zela, eta horrela hasten da pelikula. Hortik aurrera, etxebestetarrak egoera gatazkatsu batean sartzen saiatu gara. Gauza berriak daude, baina lehenengo filmaren oihartzuna du bigarrenak.

Aupa Etxebeste!-k arrakasta handia izan zuen. Zer aurreikuspen egiten duzue Agur, Etxebeste!-rekin?

Hori betiko kontua da. Bigarren zati bat egitean, ez zara hutsetik hasten; baremo bat dago ezarrita, baina ez dut horretan pentsatu nahi izan prozesu guztian. Bi gauza izan ditugu kontuan: alde batetik, lehen filma kontuan hartu gabe bigarren pelikulak bakarrik funtzionatzea nahi izan dugu, hau da, Agur, Etxebeste!-k nortasun propioa izan zezan saiatu gara; bestetik, Aupa Etxebeste!-ren erreferentziak txertatu ditugu, lehen zatia ikusi duenarentzat.

Nolakoa da Zinemaldian berriro ere zuen lan bat aurkeztea?

Zinemaldia erakusleiho polita dela uste dut, eta Euskal Zinemaren ekitaldia leku aproposa da Agur, Etxebeste!-rentzat. Gainera, Jose Maria Lara Txepe ekoizleari emango diote Zinemira saria, eta horrek are bereziago egiten du eguna. Izan ere, berarekin hasi ginen, eta gerora ere proiektu askotan ibili gara batera; Aupa Etxebeste! berak hasi zuen, adibidez. Egun berezia izango da, eta espero dut jendeari pelikula gustatzea eta gozatzea; azken finean, jendeak ondo pasatzeko egin dugu filma.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Raiundo Berri taberan izan zirenak PCR proba egiteko zain, Okendu kultur etxean gaur goizean. ©Gorka Rubio/FOKU

500 positibotik gora atzeman dituzte Hego Euskal Herrian

Berria

Atzo baino 119 kasu gehiago izan dira. Ospitaleratzeak areagotu egin dira azken orduetan.

Lasarte-Oriako klasururako konbentua itxita, gaur. ©Javier Etxezarreta / EFE

Lasarte-Oriako klausurako komentu bateko moja guztiek positibo eman dute

Berria

Hamar izan dira positiboak guztira. Alkateak adierazi du agerraldia kontrolpean dagoela.

Kutsatze kopuruen azken datuek gora egin dutela ikusita zientzialariak gaineratu du gaitzak “arazo bat” izaten jarraitzen duela. ©Gorka Rubio / FOKU

Bengoak uste du egoera «larria» dela

Aloña Beraza Peña

Ikuskaritza independente bat eskatu dute gertatu dena ikertzeko, egin diren hutsegiteak berriz ere egin ez daitezen, eta aurrera begira ikasteko.

PCR proba egiten gaur, Donostiako Okendo kultur etxean. ©Gorka Rubio/FOKU

Gasteizko Kilimanjaro diskotekan eta Xixilu jatetxean, eta Galdakaoko Muguru tabernan egon zirenei proba egiteko eskatu die Jaurlaritzak

Berria

Gasteizko diskotekan uztailaren 17tik abuztuaren 6ra izan zirenek egin beharko dute testa, eta uztailaren 31tik abuztuaren 4ra jatetxean egondakoek. Galdakaon, tabernan uztailaren 27tik abuztuaren 4ra egon zirenek.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna